அமெரிக்கா வெனிசூயேலாவை ஆக்கிரமிக்கிறதற்கான உண்மையான காரணம், 1974-ல் ஹென்றி கிஸ்ஸிங்கர் சவுதி அரேபியாவுடன் செய்த ஒரு ஒப்பந்தம் தான்.

இந்த ஒப்பந்தம், உண்மையிலேயே அமெரிக்க டாலர் இன்று வரை உயிர் பிழைத்திருப்பதற்கான காரணம் என்பதை இந்த பதிவை வாசிக்கும் போது அறிவீர்கள். போதை பொருள் அல்ல. தீவிரவாதம் அல்ல. “ஜனநாயகம்” அல்ல... கடந்த 50 ஆண்டுகளாக அமெரிக்காவை உலகின் முதன்மை பொருளாதார சக்தியாக வைத்திருக்கும் பெட்ரோ-டாலர் மட்டுமே... அந்த அமைப்பை முடிவுக்கு கொண்டு வருவதாக வெனிசூயேலா மிரட்டியது. உண்மையில் நடந்தது இதுதான்: வெனிசூயேலாவிடம் 330 பில்லியன் பீப்பாய் எண்ணெய் இருப்பு உள்ளது. இது உலகிலேயே அதிகம். சவுதி அரேபியாவைவிட கூட அதிகம். உலக எண்ணெயின் சுமார் 20%. ஆனால் முக்கியமான பகுதி இதுதான்: வெனிசூயேலா அந்த எண்ணெயை அமெரிக்க டாலரில் அல்ல, சீன யுவானில் விற்பனை செய்ய ஆரம்பித்தது. 2018-ல், வெனிசூயேலா “டாலரிலிருந்து விடுபடப் போகிறோம்” என்று அறிவித்தது. அவர்கள் யுவான், யூரோ, ரூபிள் — டாலரைத் தவிர எந்த நாணயத்தையும் எண்ணெய்க்கு ஏற்கத் தொடங்கினர். BRICS அமைப்பில் சேர மனு கொடுத்தனர். SWIFT அமைப்பை முழுமையாகத் தவிர்க்கும் வகையில் சீனாவுடன் நேரடி கட்டண வழிகளை உருவாக்கினர். பல தசாப்தங்கள் டாலர் ஆதிக்கத்தை உடைக்கக் கூடிய அளவு எண்ணெய் அவர்களிடம் இருந்தது. இது ஏன் முக்கியம்?

ஏனெனில் முழு அமெரிக்க நிதி அமைப்பும் ஒரே விஷயத்தின் மீது கட்டப்பட்டுள்ளது: அது தான் பெட்ரோ-டாலர். 1974-ல், ஹென்றி கிஸ்ஸிங்கர் சவுதி அரேபியாவுடன் ஒரு ஒப்பந்தம் செய்தார்: உலகளவில் விற்கப்படும் அனைத்து எண்ணெயும் அமெரிக்க டாலரில் விலை நிர்ணயம் செய்யப்பட வேண்டும், அதற்கு பதிலாக, அமெரிக்கா இராணுவ பாதுகாப்பு வழங்கும். இந்த ஒரே ஒப்பந்தம் உலகம் முழுவதும் டாலருக்கு செயற்கை தேவையை உருவாக்கியது. எண்ணெய் வாங்க ஒவ்வொரு நாட்டுக்கும் டாலர் தேவை. இதனால் தான் அமெரிக்கா வரம்பில்லாமல் பணம் அச்சிட முடிகிறது;

மற்ற நாடுகள் அதற்காக உழைக்க வேண்டிய நிலை உருவாகிறது. இது இராணுவத்திற்கு நிதியளிக்கிறது. நலத்திட்டங்களுக்கு நிதியளிக்கிறது. பெரும் கடன் செலவினங்களை ஈடு செய்ய நிதியளிக்கிறது. பெட்ரோ-டாலர் என்பது விமான தாங்கிக் கப்பல்களைவிடவும் அமெரிக்க ஆதிக்கத்திற்கு முக்கியமானது. இதனை சவால் செய்த தலைவர்களுக்கு என்ன நடந்தது என்பதைப் பாருங்கள்: 2000: சதாம் ஹுசேன், ஈராக் எண்ணெய் டாலருக்கு பதிலாக யூரோவில் விற்கப்படும் என அறிவித்தார். 2003: ஈராக் மீது படையெடுப்பு. ஆட்சி மாற்றம். எண்ணெய் மீண்டும் டாலருக்கு மாறியது. சதாம் கொல்லப்பட்டார். WMDகள் எதுவும் கிடைக்கவில்லை — ஏனெனில் அவை இருந்ததே இல்லை. 2009: கடாபி, எண்ணெய் வர்த்தகத்திற்கு தங்க ஆதாரத்துடன் “தங்க தினார்” என்ற ஆப்பிரிக்க நாணயத்தை முன்மொழிந்தார். ஹிலரி கிளிண்டனின் கசிந்த மின்னஞ்சல்கள், இதுவே தலையீட்டின் முக்கிய காரணம் என்று உறுதி செய்கின்றன. அந்த மின்னஞ்சல் மேற்கோள்: “இந்த தங்கம், லிபிய தங்க தினாரை அடிப்படையாகக் கொண்டு பான்-ஆப்பிரிக்க நாணயத்தை உருவாக்குவதற்காக இருந்தது.” 2011: NATO லிபியாவை குண்டுவீசியது. கடாபி கொடூரமாக கொல்லப்பட்டார். லிபியாவில் திறந்த அடிமை சந்தைகள் உருவானது. “நாங்கள் வந்தோம், பார்த்தோம், அவர் இறந்தார்!” — கிளிண்டன் கேமராவுக்கு முன் சிரித்தார். தங்க தினார் அவருடன் இறந்தது. இப்போது மதூரோ. சதாம் மற்றும் கடாபியை ஒன்றாகச் சேர்த்ததைவிட ஐந்து மடங்கு அதிக எண்ணெய். யுவானில் விற்பனை செய்யப்பட்ட எண்ணைய். டாலர் கட்டுப்பாட்டுக்கு வெளியே கட்டண அமைப்புகள். BRICS உறுப்பினர் மனு. சீனா, ரஷ்யா, ஈரான் — உலக டி-டாலரைசேஷனை வழிநடத்தும் நாடுகளுடன் கூட்டணி. இது தற்செயலானது அல்ல. பெட்ரோ-டாலரை சவால் செய்தால் — ஆட்சி மாற்றம். ஒவ்வொரு முறையும். ஸ்டீபன் மில்லர் (அமெரிக்க உள்நாட்டு பாதுகாப்பு ஆலோசகர்) இரண்டு வாரங்களுக்கு முன் வெளிப்படையாகச் சொன்னார்: “அமெரிக்கர்களின் உழைப்பு, புத்திசாலித்தனம் தான் வெனிசூயேலாவின் எண்ணெய் தொழில்துறையை உருவாக்கியது. அதை அங்குள்ள ஆட்சியாளர்கள் பறிமுதல் செய்தது, அமெரிக்க செல்வத்தின் மிகப் பெரிய திருட்டு.” அவர் மறைக்கவே இல்லை. 100 ஆண்டுகளுக்கு முன் அமெரிக்க நிறுவனங்கள் உருவாக்கின என்பதால், வெனிசூயேலா எண்ணெய் அமெரிக்காவுக்கே சொந்தம் என்று அவர்கள் கூறுகிறார்கள். இந்த தர்க்கப்படி, வரலாற்றில் நடந்த ஒவ்வொரு தேசியமயமாக்கலும் “திருட்டு”. ஆனால் இன்னும் ஆழமான பிரச்சனை ஒன்று உள்ளது: பெட்ரோ-டாலர் ஏற்கனவே செத்துக் கொண்டிருக்கிறது. உக்ரைன் போருக்குப் பிறகு ரஷ்யா எண்ணெயை ரூபிள் மற்றும் யுவானில் விற்கிறது. சவுதி அரேபியா யுவான் தீர்வுகள் பற்றி திறந்தவெளியில் பேசுகிறது. ஈரான் பல ஆண்டுகளாக டாலருக்கு வெளியே வர்த்தகம் செய்கிறது. சீனா SWIFT-க்கு மாற்றாக CIPS அமைப்பை உருவாக்கியது — 185 நாடுகளில் 4,800 வங்கிகள். BRICS டாலரைத் தவிர்க்கும் கட்டண அமைப்புகளை உருவாக்கிக் கொண்டிருக்கிறது. mBridge திட்டம் மத்திய வங்கிகளுக்கு உள்ளூர் நாணயங்களில் உடனடி தீர்வு வழங்குகிறது. 330 பில்லியன் பீப்பாய் எண்ணெயுடன் வெனிசூயேலா BRICS-ல் சேர்ந்தால், இது எல்லாவற்றையும் மேலும் வேகப்படுத்தும். அதுதான் இந்த படையெடுப்பின் உண்மையான காரணம். போதை பொருட்கள் அல்ல — அமெரிக்காவில் புழக்கத்தில் உள்ள கோகைனில் வெனிசூயேலாவின் பங்கு 1%-க்கும் குறைவு. தீவிரவாதம் அல்ல — மதூரோ தீவிர அமைப்பை நடத்துகிறார் என்பதற்கான சான்று இல்லை. ஜனநாயகம் அல்ல — அமெரிக்கா தேர்தலே இல்லாத சவுதி அரேபியாவை ஆதரிக்கிறது. இது உலகம் உழைக்கும் போது, அமெரிக்கா பணம் அச்சிட அனுமதிக்கும் 50 ஆண்டு ஒப்பந்தத்தை காப்பாற்றுவது பற்றியது. விளைவுகள் பயமுறுத்துவதாக இருக்கலாம்: ரஷ்யா, சீனா, ஈரான் இதை “ஆயுத ஆக்கிரமிப்பு” என்று கண்டித்துள்ளன. சீனா வெனிசூயேலாவின் மிகப் பெரிய எண்ணெய் வாடிக்கையாளர் — அவர்கள் பில்லியன்களை இழக்கிறார்கள். BRICS நாடுகள், டாலருக்கு வெளியே வர்த்தகம் செய்ததற்காக ஒரு நாடு ஆக்கிரமிக்கப்படுவதைப் பார்த்துக் கொண்டிருக்கின்றன. ஒவ்வொரு நாட்டுக்கும் ஒரு செய்தி: “டாலரை சவால் செய்தால், நாங்கள் குண்டுவீசுவோம்.” ஆனால் பிரச்சனை என்னவென்றால்…

இந்த செய்தி டி-டாலரைசேஷனை நிறுத்தாமல், வேகப்படுத்தலாம். ஏனெனில் இப்போது உலகின் தெற்கில் உள்ள நாடுகள், டாலர் ஆதிக்கத்தை சவால் செய்தால் என்ன நடக்கும் என்பதை புரிந்துகொண்டுள்ளன. அவர்களுக்கு பாதுகாப்பு தரும் ஒரே வழி — மேலும் வேகமாக டாலருக்கு எதிராக முன்னேறுவது மட்டுமே, நேரமும் சூழலும் கூட அசாதாரணமாக உள்ளது: ஜனவரி 3, 2026: வெனிசூயேலா ஆக்கிரமிப்பு. மதூரோ கைது. ஜனவரி 3, 1990: பனாமா ஆக்கிரமிப்பு. நோரியாகா கைது. 36 ஆண்டுகள் இடைவெளி. கிட்டத்தட்ட அதே தேதி. அதே நடைமுறை. அதே “போதை பொருள் கடத்தல்” காரணம். அதே உண்மையான நோக்கம்: மூலவளங்கள் மற்றும் வர்த்தக நடைமுறைகள் மீது கட்டுப்பாடு. வரலாறு திரும்பாது. அடுத்து என்ன நடக்கும்: மார்-அ-லாகோவில் ட்ரம்பின் செய்தியாளர் சந்திப்பு கதையை அறிவிக்கும். அமெரிக்க எண்ணெய் நிறுவனங்கள் ஏற்கனவே வரிசையில். “வெனிசூயேலாவுக்கு திரும்ப” அவர்களை அணுகியதாக தெரிவித்துள்ளது. எதிர்க்கட்சி நிறுவப்படும். எண்ணெய் மீண்டும் டாலரில் ஓடும். வெனிசூயேலா — இன்னொரு ஈராக். இன்னொரு லிபியா. ஆனால் யாரும் கேட்காத கேள்வி: நாளை தங்களின் நாணய ஆதிக்கத்துக்காக குண்டுவீச முடியாத நிலை உருவாகுமா? சீனாவுக்கு பதிலடி கொடுக்கத் தேவையான பொருளாதார ஆற்றளை அமெரிக்கா பெற்றால்? BRICS உலக GDP-யின் 40%-ஐ கட்டுப்படுத்தி “இனி டாலர் இல்லை” என்ற நிலை வந்தால்...?? பெட்ரோ-டாலர் வன்முறையால் தான் காக்கப்படுகிறது என்பதை உலகம் உணர்ந்தால்? அமெரிக்கா தனது திசையை தன் திட்டத்தை வெளிப்படுத்திவிட்டது. உலகம் அடிபணியுமா, இல்லையா — அதைச் சவால் விடுமா— என்பதே கேள்வி. உங்கள் நாணயத்தை அனைவரையும் பயன்படுத்த வைக்க நீங்கள் நாடுகளை குண்டுவீச வேண்டியிருந்தால், அந்த நாணயம் ஏற்கனவே இறந்து கொண்டிருக்கிறது என்பதற்கான அறிவிப்பு மட்டுமே.. இன்றைக்கு அதனை இனியும் petro dollar என்று அழைப்பதா அல்லது Zio Dollar என்று அழைப்பதா என்பதை உங்கள் முடிவுக்கு விட்டுவிடுகிறேன். வெனிசூயேலா ஆரம்பம் அல்ல. அது ஒரு அவசரமான முடிவு..