‘லவ் லெட்டர்’ என்ற பெயரில் ஆயிரம் அப்ளிகேஷன்கள் உலவினாலும் இந்த அப்ளிகேஷன் கொஞ்சம் ஸ்பெஷல் என்பது, நீங்கள் காதல் கடிதம் தீட்ட ஆரம்பிக்கும்போதே புரியும்.

காதல்... என்று சொன்னதுமே மனசு குஷியாகிவிடுகிற விஷயம்தான். காதல் கடிதம் எழுதிக் காதலிக்க ஆசைப்படும் இளசுகளுக்காகவே இருக்கிறது ‘பெஸ்ட் லவ் லெட்டர் ரைட்டர்’ என்ற ஆண்ட்ராய்டு அப்ளிகேஷன். பெயருக்குத்தான் ‘லவ் லெட்டர் ரைட்டர்’ அப்ளிகேஷனே தவிர, இதில் நாம் விரல் வலிக்க டைப் பண்ணிக்கொண்டிருக்க வேண்டிய அவசியம் இல்லை. உங்களுடைய பெயரைப் பதிவுசெய்து, அதில் கேட்கும் சில விவரங்களைப் பூர்த்தி செய்தால் போதும். நம்முடைய ரசனைக்குத் தகுந்த மாதிரி, ‘மானே தேனே’ மாடல்களிலோ, ‘மாலினி இத நான் உங்கிட்ட சொல்லியே ஆகணும்’ வகை வாக்கியங்களிலோ, ‘முத்தழகு, இப்போ நீ முழுசா எனக்குள்ள வந்துட்ட’ வகை எழுத்துகளுமாகவோ அலங்கரிக்கும்.

பொறுமையாகப் படித்துப்பார்த்துப் பொருத்தினால் இனிக்க, மணக்க ஒரு காதல் கடிதம் தயாராகிவிடும். ஏனெனில், இந்த அப்ளிகேஷனில் 90 சதவிகிதம் நாம் டைப் செய்ய வேண்டிய அவசியம் இருக்காது. தவிர, காதலிக்குப் பிடித்த நிறம், எமோஜி, பூக்கள், பிடித்த வாசகங்கள்... என அலங்கரிக்கலாம். இப்படியாக, ‘லவ் லெட்டர்’ என்ற பெயரில் ஆயிரம் அப்ளிகேஷன்கள் உலவினாலும் இந்த அப்ளிகேஷன் கொஞ்சம் ஸ்பெஷல் என்பது, நீங்கள் காதல் கடிதம் தீட்ட ஆரம்பிக்கும்போதே புரியும்.

மடமடவென தட்டிக்கொண்டிருக்காமல், நறுக்சுறுக்கென ‘ஐ லவ் யூ’ சொல்ல ஆசைப்படுபவர்களுக்கு ‘அவசர லவ் லெட்டர்’களும் இதில் உருவாக்கிக்கொள்ளலாம். காதலை நேரில் சொல்லத் தயங்குபவர்கள், உருவாக்கிய கடிதத்தை பேஸ்புக், வாட்ஸ்-அப் போன்ற சமூக வலைத்தளங்கள் மூலமாக சம்பந்தப்பட்ட நபருக்கு அனுப்பி வைக்கலாம்.

ஒரு காதல் கடிதத்தை ஒரே நேரத்தில் பலருக்கும் அனுப்பி, நேரத்தை மிச்சப்படுத்திக்கொள்ளும் வழி இருந்தாலும், மாட்டிக்கொள்ளும் சாத்தியங்கள் டெக்னாலஜியில் அதிகம் என்பதால், இந்த விஷயத்தை மட்டும் கொஞ்சம் பொறுமையாகப் பரிசீலனை செய்து முடிவெடுத்துக்கொள்ளவும்.

உடனுக்குடன் செய்திகள், உலகதகவல்கள், ஆன்மீகம், மருத்துவம், ஆரோக்கியம், சினிமா, கிசுகிசு செய்திகள் , விளையாட்டு, தொழில்நுட்பம், நிகழ்வுகள் தெரிந்து கொள்ள Tamils4.com News channel உடன் எப்போதும் இணைந்திருங்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்