Tamils4

செல்வா இயக்கத்தில் அரவிந்த்சாமி நடித்துள்ள ‘வணங்காமுடி’ படத்தின் டிரெய்லர் ரசிகர்களிடையே நல்ல வரவேற்பை பெற்றது.

அரவிந்த்சாமி நடிப்பில் உருவாகி உள்ள புதிய படம் ‘வணங்காமுடி’. ‘நான் அவன் இல்லை', 'குரு என் ஆளு' ஆகிய படங்களை இயக்கிய செல்வா இப்படத்தை இயக்கி உள்ளார். இப்படத்தில் அரவிந்த்சாமிக்கு ஜோடியாக சிம்ரன் நடித்துள்ளார். மேலும் ரித்திகா சிங், நந்திதா, சாந்தினி, தம்பி ராமையா ஆகியோர் முக்கிய கதாபாத்திரத்தில் நடித்துள்ளனர். டி.இமான் இப்படத்திற்கு இசையமைத்துள்ளார். சமீபத்தில் வெளியான இப்படத்தின் டிரெய்லர் ரசிகர்களிடையே நல்ல வரவேற்பை பெற்றது.

தற்போது இப்படத்தின் தலைப்புக்கு சிக்கல் ஏற்பட்டுள்ளது. வணங்காமுடி என்ற தலைப்பில் ஏற்கனவே கடந்த 1957-ல் ஒரு படம் வெளியாகி உள்ளது. சிவாஜி கணேசன், சாவித்திரி, நம்பியார் உள்ளிட்டோர் நடித்திருந்த இப்படத்தை ஏ.கே.பாலசுப்ரமணியம் தயாரித்திருந்தார்.

இந்நிலையில், முறையான அனுமதி பெறாமல் தன்னுடைய தந்தை தயாரித்த படத்தின் தலைப்பை அரவிந்த் சாமி நடித்துள்ள படத்துக்கு பயன்படுத்தி இருப்பதாகவும், இதற்காக சட்டப்போராட்டம் நடத்த தான் தயாராக இருப்பதாகவும் ஏ.கே.பாலசுப்ரமணியத்தின் மகன் மோகன் குமார் தெரிவித்துள்ளார்.

உடனுக்குடன் செய்திகள், உலகதகவல்கள், ஆன்மீகம், மருத்துவம், ஆரோக்கியம், சினிமா, கிசுகிசு செய்திகள் , விளையாட்டு, தொழில்நுட்பம், நிகழ்வுகள் தெரிந்து கொள்ள Tamils4.com News channel உடன் எப்போதும் இணைந்திருங்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்