Tamils4

தெலுங்கு திரையுலகின் முன்னணி நடிகர் மகேஷ் பாபுவின் அண்ணன் ரமேஷ் பாபு உடல்நலக்குறைவால் காலமானார். திரையுலகினர் பலரும் அஞ்சலி செலுத்தி வருகின்றனர்.

தெலுங்கு திரையுலகின் முன்னணி நடிகர் கிருஷ்ணாவின் மூத்த மகனும் நடிகர் மகேஷ் பாபுவின் அண்ணனுமான ரமேஷ் பாபு மாரடைப்பு காரணமாக காலமானார். இவர் 1974ஆம் ஆண்டு வெளியான ‘சீதாராமா ராஜு’ படத்தின் மூலம் நடிகராக அறிமுகமாகி பிறகு சில படங்களில் மட்டுமே நடித்து அதன்பிறகு தயாரிப்பில் ஈடுப்பட்டிருந்தார். இவருடைய தயாரிப்பில் மகேஷ் பாபு நடித்து வெளியான அர்ஜுன், அதிதி ஆகிய படங்கள் வெளியாகி நல்ல வரவேற்பை பெற்றது.

ரமேஷ் பாபு நீண்ட காலமாக கல்லீரல் பிரச்சினையால் அவதிப்பட்டு வந்துள்ளார். இதற்காக மருத்துவமனையில் சிகிச்சையும் மேற்கொண்டு வந்துள்ளார். இந்நிலையில் நேற்று (ஜன 08) ரமேஷ் பாபு(வயது 56) காலமானார். அவரது மறைவுக்கு திரையுலக பிரபலங்கள், ரசிகர்கள் என பலரும் இரங்கல் தெரிவித்து வருகின்றனர்.

சமீபத்தில் நடிகர் மகேஷ் பாபுவுக்கு கொரோனா தொற்று உறுதி செய்யப்பட்டு அவர் தனிமைப்படுத்தி கொண்டுவருவது குறிப்பிடத்தக்கது.

உடனுக்குடன் செய்திகள், உலகதகவல்கள், ஆன்மீகம், மருத்துவம், ஆரோக்கியம், சினிமா, கிசுகிசு செய்திகள் , விளையாட்டு, தொழில்நுட்பம், நிகழ்வுகள் தெரிந்து கொள்ள Tamils4.com News channel உடன் எப்போதும் இணைந்திருங்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்