Tamils4

தமிழ்த் திரையுலகில் மட்டுமல்ல, ட்விட்டர் தளத்திலும் ராஜாவாக உள்ளார் விஜய்.

இந்த வருடம் ட்விட்டர் தளத்தில் அதிகம் பேரால் ட்வீட் செய்யப்பட்ட திரைப்படம் என்கிற பெருமையை விஜய் நடித்த மாஸ்டர் படம் பெற்றுள்ளது.

கடந்த பிப்ரவரி மாதம், நெய்வேலியில் மாஸ்டர் படப்பிடிப்பின்போது ரசிகர்களுடன் எடுத்துக்கொண்ட செல்ஃபி புகைப்படத்தை நடிகர் விஜய் ட்விட்டர் பக்கத்தில் பகிர்ந்தார். வேன் மீதேறி படப்பிடிப்பில் இருந்த தன்னைப் பார்க்க வந்த ரசிகர்களுக்கு மத்தியில் அந்தப் புகைப்படத்தை எடுத்துக்கொண்டார் விஜய்.

2020-ல் ட்விட்டர் தளத்தில் இந்திய அளவில் அதிகம் பேரால் ரீட்வீட் செய்யப்பட்ட ட்வீட் என்கிற சாதனையை இது படைத்தது.

இந்நிலையில் இந்த வருடம் அதிகம் பேரால் ட்வீட் செய்யப்பட்ட படங்களில் விஜய் நடித்து வெளியீட்டுக்குத் தயாராக உள்ள மாஸ்டர் படம் முதலிடம் பிடித்து சாதனை செய்துள்ளது. இந்தப் பெருமையை அடையும் மூன்றாவது விஜய் படம் இது. கடந்த வருடம் பிகில் படமும் அதற்கு முன்பு சர்கார் படமும் பட்டியலில் முதலிடம் பிடித்தன. 2017-ம் மெர்சல் படம் மூன்றாம் இடம் பிடித்தது.