வெள்ளைப்படுதல் என்பது சாதாரணமானது என்றாலும் பல நேரங்களில் அசாதாரணமாக சிலருக்கு வெளிப்படக்கூடும். மாதவிடாய் சுழற்சிக்கு முன்பு வரக்கூடிய வெள்ளைப்படுதல் சில பெண்களுக்கு அதிகமாக வெளிப்படும் போது அது நிறம், துர்நாற்றம், அடர்த்தி போன்றவற்றிலும் வித்தியாசமாக வெளிப்படும். நாள்பட்ட வெள்ளைப்படுதல் பிரச்சனை கருப்பை பிரச்சனைக்கும் காரணமாக இருக்கலாம்.

அதனால் துர்நாற்றத்தோடு வெள்ளைப்படுதல் அல்லது அசாதாரணமாக வெள்ளைப்படுதல் உண்டாகும் போதே அதை சரிசெய்து கொள்ள முயற்சிக்க வேண்டும். இந்த வெள்ளைப்படுதல் தீவிரமாகும் போது அதை தடுக்க உணவு முறையில் வாழைப்பூவை சேர்க்கலாம். எப்படி எதனுடன் சேர்த்து எடுத்துகொள்ள வேண்டும் என்பதை பார்க்கலாம்.

தேவை

வாழைப்பூ - 15

கசகசா - கால் டீஸ்பூன் அளவு

வெந்தயம் - அரை டீஸ்பூன்

பிஞ்சு கடுக்காய் - கால் அளவு

வாழைப்பூவை ஆய்ந்து உள் இருக்கும் நரம்பை மட்டும் நீக்கி பொடியாக நறுக்கவும். வெந்தயத்தையும் கடுக்காயையும் சுத்தம் செய்து சிறு உரலில் இட்டு இடிக்கவும். அப்படியே கசகசாவையும் சேர்த்து நைஸாக பொடிக்கவும். இதனுடன் வாழைப்பூ சேர்த்து நன்றாக இடிக்கவும். சிரமமாக இருந்தால் மிக்ஸீயில் இடித்து சாறு எடுத்து குடிக்கவும்.

தினமும் வெறும் வயிற்றில் 25 மில்லி அளவு இந்த சாறை குடித்து வர வேண்டும். தொடர்ந்து 10 நாட்கள் வரை இதைகுடித்தால் அதிகமாக வெள்ளைப்படுதல் பட்டென்று நிற்கும். தொடர்ந்து வாரக்கணக்கிலும் மாதக்கணக்கிலும் குடித்து வரக்கூடாது. இடைவெளி விட்டு எடுத்த்கொள்ள வேண்டும்.

பூக்கள் நோய் தீர்க்கும் என்பதற்கு சிறந்த உதாரணம் வாழைப்பூ. இது சர்க்கரை நோய், மூலம், உடல் சூடு போன்றவற்றுக்கு சிறந்த மருந்தாக இருக்கும். பெண்களுக்கு கர்ப்பப்பை காக்கும் அருந்தோழன் என்று வாழைப்பூவை சொல்லலாம். அதிக உதிரபோக்கை கடுப்படுத்தவும், சூதகவலியை குறைக்கவும் இவை அருமருந்தாகவே செயல்படும்.

அதிகமாக வெள்ளைப்படுதல் பிரச்சனை இருக்கும் போது வாழைப்பூவை பக்குவமாக சேர்த்து வந்தால் எவ்வளவு பிரச்சனை இருந்தாலும் சரியாகும். வாழைப்பூ சாறு எடுத்து ரசமாக்கி குடிக்கலாம். வாழைப்பூ பாசிப்பருப்பு சேர்ந்த கூட்டாக எடுக்கலாம். வெள்ளைப்படுதல் தீவிரமாகாமல் கட்டுக்குள் வைக்க வாழைப்பூ போதுமானது

வெந்தயம் உடலுக்கு குளுமையானது. ஆரம்ப கட்டத்தில் வெள்ளைப்படுதலை குணபடுத்த உணவுகளே போதும் என்பதற்கு வெந்தயமும் சிறந்த உதாரணமாக இருக்கும். வெந்தயம் பெண் உறுப்பின் பிஹெச் அளவை சமநிலைப்படுத்தும். வெந்தயத்தை இரவில் ஊறவைத்து காலையில் எடுத்துகொண்டால் மாதவிடாய் கோளாறுகளையும் சரி செய்யும். வெள்ளைப்படுதலில் துர்நாற்றத்தையும் கட்டுப்படுத்தும். வெந்தயத்தை ஊறவைத்து முளைக்கட்டி சேர்த்தால் இன்னும் சிறப்பு.

கடுக்காயும் வாழைப்பூவை போன்று துவர்ப்பானது. இது ரத்தத்தை விருத்தி செய்யகூடும். வெள்ளைப்படுதலோடு அரிப்பு பிரச்சனையும் இருந்தால் நமைச்சலும், புண் போன்றவையும் உண்டாகலாம். கடுக்காய் பயன்படுத்தும் போது அதிலிருக்கும் விதைகளை நீக்கி பயன்படுத்த வேண்டும். வெள்ளைப்படுதலுக்கு பிஞ்சு கடுக்காய் சிறந்த பலன் கொடுக்கும். கடுக்காய் வெள்ளைப்படுதல் குணப்படுத்தி பெண் உறுப்பில் தொற்று இல்லாமல் அரிப்பு இல்லாமல் பாதுகாக்க கூடும்

கசகசா விதைகள் பெண்களின் உடலில் உள்ள பெலோப்பியன் குழாய்களில் நல்ல ஓட்டத்தை உண்டாக்கி கருவுறுதலை அதிகரிக்க செய்யும் என்று ஆய்வுகள் சொல்கிறது. குழாய்களில் இருக்கும் கோழை அல்லது சளி போன்றவற்றை கரையச்செய்து கருவுறுதலை மேம்படுத்தும்.

ஃபெலோப்பியன் குழாய்களில் பிரச்சனை இருந்த பெண்களில் 29% பேர் கசகசா விதை நீரை எடுத்துகொண்டு கருத்தரிப்பை பெற்றுள்ளார்கள். கசகசா தேங்காய்ப்பால் உடன் சேர்த்து சாப்பிட்டு வந்தால் வெள்ளைப்படூதல் குணமாகும்.