நாம் வரலாறு முழுவதும் பல விசித்திரமான வினோதமான புனைவு கதைகளை கேட்டுள்ளோம். இந்த வினோதமான வழக்கு இந்தோனிஷியாவில் வெளிப்பட்டுள்ளது. இதில் பாதிக்கப்பட்ட பெண் தான் காற்றின் காரணமாக கர்ப்பமானதாக கூறியுள்ளார். இந்த வழக்கை போலீசார் விசாரித்து வருகின்றனர்.
25 வயதான சிட்டி ஜைனா என அடையாளம் காணப்படும் அந்த பெண் தான் கர்ப்பமானதை உணர்ந்த ஒரு மணி நேரத்திலேயே குழந்தையை பெற்றெடுத்ததாக கூறுகிறார். இவர் தெற்கு இந்தோனிசியாவில் உள்ள சியாஜூர் என்னும் நகரில் கடந்த வாரம் ஒரு ஆரோக்கியமான பெண் குழந்தையை பெற்றெடுத்ததாக கிடைத்த தகவல்கள் தெரிவிக்கின்றன
இதுக்குறித்து அந்த பெண் உள்ளூர் ஊடகங்களில் கூறும்போது. அன்று தனது வீடு முழுவதும் காற்று வீசியதன் காரணமாக அவர் தனது அறையில் இருந்ததாக கூறினார். அடுத்து 15 நிமிடங்களுக்கு பிறகு அவரது வயிற்றில் அவர் வலியை உணர்ந்தாராம். அடுத்த சில நிமிடங்களிலேயே அவரது வயிறானது பெரிதாக வளர்வதை அவர் கண்டாராம்.
அதன் பிறகு அவர் ஒரு சுகாதார க்ளீனிக்கிற்கு அழைத்து செல்லப்பட்டாராம். அங்கு அவர் ஒரு குழந்தையை பெற்றெடுத்தார். அங்கு அவருக்கு ஒரு பெண் குழந்தையை பிறந்ததாக கூறப்படுகிறது.
“பிற்பகல் வேளையின் தொழுகைக்கு பிறகு நான் படுத்து தூங்கிக் கொண்டிருந்தேன். அப்போது எனது பிறப்பு உறுப்பிற்குள் காற்று புகுவதை நான் உணர்ந்தேன்” என்று அவர் கூறியுள்ளார்.
அவரது இந்த வினோதமான கர்ப்பம் பற்றிய செய்தியானது நகரை சுற்றி வேகமாக பரவ துவங்கியது. இறுதியில், இது தற்சமயம் சமூக வலைத்தளங்களில் வைரலாகி வருகிறது. இதுக்குறித்து உள்ளூர் அதிகாரிகள் விசாரனை நடத்தி வருகின்றனர்.
நான் துணை தலைவர் மற்றும் மாவட்ட தலைவருடன் அந்த பெண்ணின் இருப்பிடத்திற்கு சென்றேன். அங்கு தாயும் குழந்தையும் ஆரோக்கியமான மன நிலையில் இருந்தனர். அந்த குழந்தை ஒரு பெண் குழந்தை ஆவார். அவரது எடை 2.9 கிலோ கிராம் இருந்தது” என்று மருத்துவர் இமான் சுலைமான் என்பவர் கூறுகிறார்.
இந்த செய்தியின் காரணமாக தற்சமயம் அந்த குழந்தை குறித்து பல்வேறு வதந்திகளும் வலம் வந்த வண்ணம் உள்ளன.
0 Comments
No Comments Here ..