உக்ரைனில் எங்கள் ஆதரவு தலைவரை பதவியில் அமர்த்த முயற்சி செய்ததாக நேட்டோ நாடுகள் கூறுகின்றன. இதன் மூலம் உக்ரைனில் தேவையில்லாத பதட்டத்தை அந்த நாடுகள் உருவாக்குகின்றது.

உக்ரைன் நாட்டின் மீது போர் தொடுத்து அதை கைப்பற்ற ரஷியா திட்டமிடுவதாக அமெரிக்கா, இங்கிலாந்து உள்பட பல்வேறு நாடுகள் குற்றம்சாட்டின.

அமெரிக்கா தலைமையிலான நேட்டோ நாடுகள் ரஷியாவுக்கு தொடர்ந்து எதிர்ப்பு தெரிவித்ததால் ரஷியா தனது நடவடிக்கைகளை நிறுத்தியது.

இதற்கிடையே உக்ரைன் நாட்டில் தனக்கு ஆதரவாக இருக்கும் முன்னாள் எம்.பி. எவென் முரயெவை ஆட்சியில் அமர வைத்து பொம்மை அரசாங்கத்தை நடத்த ரஷியா திட்டமிடுவதாக தெரியவந்தது. இதுதவிர உக்ரைன் நாட்டு தலைவர்கள் பலரிடமும் ரஷியா மறைமுகமாக தொடர்பில் இருப்பதாக கூறப்படுகிறது.

உக்ரைன் அரசை சீர் குலைக்க ரஷியா திட்டமிட்டு இப்படி செயல்படுவதாக இங்கிலாந்து குற்றம்சாட்டி உள்ளது. இதை ரஷியா மறுத்துள்ளது.

இதுகுறித்து ரஷிய வெளியுறவுத்துறை வெளியிட்டுள்ள அறிக்கையில் கூறியிருப்பதாவது:-

உக்ரைனில் எங்கள் ஆதரவு தலைவரை பதவியில் அமர்த்த முயற்சி செய்ததாக நேட்டோ நாடுகள் கூறுகின்றன. இதன் மூலம் உக்ரைனில் தேவையில்லாத பதட்டத்தை அந்த நாடுகள் உருவாக்குகின்றது.

உக்ரைன் நாட்டு விவகாரத்தில் நாங்கள் தலையிடுவதில்லை. உக்ரைனில் பொம்மை ஆட்சி அமைக்க நாங்கள் எந்த வகையிலும் முயற்சி செய்யவில்லை.

இவ்வாறு ரஷிய வெளியுறவுத்துறை அமைச்சகம் கூறியுள்ளது.

இதற்கிடையே உக்ரைனில் இருந்து தனது நாட்டு அதிகாரிகளை அமெரிக்கா வெளியேற்றத்தொடங்கி உள்ளது. உக்ரைன், ரஷியா நாடுகளுக்கு அமெரிக்கர்கள் யாரும் செல்ல வேண்டாம் என்றும் அமெரிக்கா கேட்டுக் கொண்டுள்ளது.

மேலும் சீனாவுக்கும் புதிய எச்சரிக்கை ஒன்றை அமெரிக்கா இன்று விடுத்துள்ளது. தைவான் விவகாரத்தில் பொறுப்புடன் நடந்துகொள்ள வேண்டும் என்று சீனாவை அமெரிக்கா எச்சரித்துள்ளது.

உடனுக்குடன் செய்திகள், உலகதகவல்கள், ஆன்மீகம், மருத்துவம், ஆரோக்கியம், சினிமா, கிசுகிசு செய்திகள் , விளையாட்டு, தொழில்நுட்பம், நிகழ்வுகள் தெரிந்து கொள்ள Tamils4.com News channel உடன் எப்போதும் இணைந்திருங்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்