இலங்கை காவல்துறை, காவல்துறை சிறப்பு அதிரடிப்படை மற்றும் முப்படைகளின் கூட்டு நடவடிக்கையாக, போதைப்பொருள் மற்றும் குற்றச் செயல்களில் ஈடுபடுபவர்களைக் கைது செய்யும் தொடர் தேடுதல் வேட்டை நேற்றும் (ஜூலை 21) நடைபெற்றது. இந்த மாபெரும் நடவடிக்கையில் 73,000-க்கும் மேற்பட்ட அதிகாரிகள், சிறப்பு அதிரடிப்படையினர், மற்றும் முப்படையினர் பங்கேற்றனர்.
இந்தத் தேடுதல் நடவடிக்கைகளின் போது, 24,690 பேர் சோதனையிடப்பட்டனர். மேலும், 9,717 வாகனங்கள் மற்றும் 7,637 மோட்டார் சைக்கிள்கள் விரிவாகச் சோதனை செய்யப்பட்டன.
சட்டவிரோத மதுபானம் உட்பட போதைப்பொருள் தொடர்பான குற்றங்களுக்காக 1,427 பேர் கைது செய்யப்பட்டனர்.
கைப்பற்றப்பட்ட போதைப்பொருட்களில் 461 கிராம் 866 மில்லி கிராம் ஐஸ் மற்றும் 401 கிராம் 416 மில்லி கிராம் ஹெரோயின் அடங்கும்.
கடந்த 20 நாட்களில் மேற்கொள்ளப்பட்ட தேடுதல் நடவடிக்கைகளில் 2 துப்பாக்கிகள் பறிமுதல் செய்யப்பட்டுள்ளன.
குற்றங்களில் நேரடியாக ஈடுபட்டதாகக் கண்டறியப்பட்ட 30 பேர் கைது செய்யப்பட்டனர்.பல்வேறு குற்றங்களுக்காகப் பிடியாணை பிறப்பிக்கப்பட்டிருந்த 367 பேர் இந்தப் சிறப்புச் சோதனைகளின் போது கைது செய்யப்பட்டனர்.
0 Comments
No Comments Here ..