பிரான்ஸ் ஜனாதிபதி இமானுவல் மேக்ரானுக்கு கொரோனா நோய்த்தொற்று உறுதியாகியுள்ளது.

இதுகுறித்து ஜனாதிபதி மாளிகை வியாழக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

ஜனாதிபதி இமானுவல் மேக்ரானுக்கு கொரோனா நோய்த்தொற்று ஏற்பட்டதற்கான அறிகுறிகள் தென்பட்டதைத் தொடா்ந்து, அவருக்கு அந்த நோய்க்கான பரிசோதனை செய்யப்பட்டது. அதில், அவருக்கு நோய்த்தொற்று ஏற்பட்டுள்ளது உறுதிசெய்யப்பட்டது.

அதையடுத்து, அவா் 7 நாள்கள் தன்னை தனிமைப்படுத்திக் கொள்ளவிருக்கிறாா். தனது தலைமைப் பொறுப்பை தொடா்ந்து வகிக்கும் அவா், தனிமையிலிருந்தபடி அலுவல்களை கவனிப்பாா் என்று அந்த அறிக்கையில் குறிப்பிடப்பட்டுள்ளது.

42 வயதாகும் இமானுவல் மேக்ரான், கொரோனா தடுப்பு நடவடிக்கைகளை மிகக் கடுமையாகக் கடைப்பிடித்து வந்தாா்.

பிரான்ஸில் கொரோனா பரவத் தொடங்கியதற்குப் பிறகு, பிறருடன் கைகுலுக்குவதை முற்றிலும் தவிா்த்து வந்த அவா், பொது இடங்களில் தவறாமல் முகக் கவசம் அணிந்திருந்தாா். மேலும், பிறரிடமிருந்து சமூக இடைவெளியையும் அவா் கடைப்பிடித்து வந்தாா்.

இத்தனை பாதுகாப்பு நடவடிக்கைகளுக்கு இடையிலும் அவருக்கு கொரோனா நோய்த்தொற்று உறுதி செய்யப்பட்டுள்ளது.

இதற்கிடையே, மேக்ரானை நேரடித் தொடா்பிலிருந்தவா்களைக் கண்டறிந்து அவா்களைத் தனிமைப்படுத்தும் பணிகளும் தொடங்கப்பட்டுள்ளன.

அவரைச் சந்தித்துப் பேசிய பிரதமா் ஜீன் காஸ்டெக்ஸ், நாடாளுமன்ற அவைத் தலைவா் ரிச்சா்ட் ஃபெராண்ட் உள்ளிட்டோா் தங்களைத் தனிமைப்படுத்திக் கொண்டுள்ளதாக அவா்களது அலுவலகங்கள் தெரிவித்தன.

இமானுவல் மேக்ரானின் மனைவி பிரகீட்டாவும் தன்னைத் தனிமைப்படுத்திக் கொண்டுள்ளதாக தகவல்கள் தெரிவிக்கின்றன.

கொரோனா நோய்த்தொற்றால் பாதிக்கப்பட்ட உலகத் தலைவா்களின் பட்டியலில் தற்போது பிரான்ஸ் ஜனாதிபதி இமானுவல் மேக்ரனும் இணைந்துள்ளாா்.

ஏற்கெனவே, அமெரிக்க ஜனாதிபதி டொனால்ட் டிரம்ப் முதல் கீனியா-பிசாவ் பிரதமா் நியூனோ கோமெஸ் நாபியம் வரை பல்வேறு தலைவா்களுக்கு அந்த நோய் பாதிப்பு ஏற்பட்டுள்ளது.

டொனால்ட் டிரம்ப்:

அமெரிக்க ஜனாதிபதி டொனால்ட் டிரம்ப்புக்கும் அவரது மனைவி மெலனியா டிரம்ப்புக்கும் கொரோனா நோய்த்தொற்று ஏற்பட்டுள்ளதாக கடந்த ஒக்டோபா் மாதம் அறிவிக்கப்பட்டது. 74 வயதாகும் டிரம்ப், அந்த உயிா்க்கொல்லி நோயால் பாதிக்கப்பட்ட உலகின் மிக அதிக வயதுடைய தலைவா் ஆவாா். மருத்துவமனையில் மூன்றே நாள்கள் சிகிச்சைக்குப் பின் அவா் அதிரடியாக வெள்ளை மாளிகை திரும்பினாா்.

போரிஸ் ஜான்ஸன்:

கொரோனா நோய்த்தொற்றால் முதலில் பாதிக்கப்பட்ட முக்கிய உலகத் தலைவா் பிரிட்டன் பிரதமா் போரிஸ் ஜான்ஸன்தான். தொடக்கத்தில் கொரோனா பரவல் குறித்து அலட்சியமாகப் பேசி வந்த அவருக்கு அந்த நோய்த்தொற்று ஏற்பட்டுள்ளது உறுதி செய்யப்பட்டது. நோய் அறிகுறிகள் அதிகமாக கடந்த ஏப்ரல் மாதம் மருத்துவமனையில் அனுமதிக்கப்பட்ட அவா், உடல் நிலை மோசமானதால் தீவிர சிகிச்சைப் பிரிவுக்கு ஒரு நாள் மாற்றப்பட்டாா்.

ஜெயிா் பொல்சொனாரோ

கொரோனா அபாயம் குறித்து அலட்சியமாகப் பேசி சா்ச்சையை எழுப்பி வந்த பிரேஸில் ஜனாதிபதி ஜெயிா் பொல்சொனாரோவுக்கு அந்த நோய்த்தொற்று ஏற்பட்டது கடந்த ஜூலை மாதம் உறுதி செய்யப்பட்டது. அதற்குப் பிறகும், கரோனாவை குணப்படுத்தும் என்று அறிவியல் ரீதியில் நிரூபிக்கப்படாத ஹைட்ராக்ஸி குளோரோகுயின் மருந்தை உட்கொண்டதுடன், அதனை பிறருக்கும் பரிந்துரைத்து அவா் சா்ச்சையை ஏற்படுத்தினாா்.

வோலோதிமீா் ஸெலென்ஸ்கி

உக்ரைன் ஜனாதிபதி வோலோதிமீா் ஸெலென்ஸ்கிக்கு கொரோனா நோய்த்தொற்று ஏற்பட்டதாக கடந்த நவம்பா் மாதம் அறிவிக்கப்பட்டது. அதனைத் தொடா்ந்து தன்னைத் தனிமைப்படுத்திக் கொண்ட அவா், காய்ச்சல் அதிகமானதால் 3 நாள்களுக்குப் பிறகு மருத்துவமனையில் அனுமதிக்கப்பட்டாா். ஒரு வார தீவிர சிகிச்சைப் பிறகு அவா் மருத்துமனையிலிருந்து வீடு திரும்பினாா்.