பளப்பளப்பான கூந்தல் மற்றும் பொலிவான சருமத்தின் ரகசியம் உங்கள் மேக்-அப் கேஸில் மட்டும் இருப்பதில்லை. அது உங்கள் டயட்டிலும் அடங்கியுள்ளது. பல பலன்களைத் தரும் இந்த சூப்பர் உணவுகள், நோய்களை எதிர்க்கும் ஊட்டச்சத்துக்களை தருவதோடு, ஆரோக்கியமாகவும், எனர்ஜியுடனும் இருப்பதற்கும் உதவுகின்றன. கூடவே, உங்கள் தினசரி டயட்டில் இவற்றைச் சேர்த்து கொள்வதும் மிகவும் எளிது.

பெர்ரி உணவுகள்

பெர்ரி வகை பழங்களில் வைட்டமின் சி, ஆன்டி ஆக்சிடென்ட்கள் மற்றும் ஃபைபர் நிரம்பியுள்ளது. ஃபைபர் உங்கள் வயிறு நிரம்பிய உணவை நீடித்திருக்க செய்யும், குறைவாக சாப்பிடுவதற்கும் உதவும். பெர்ரி பழங்களில் நோய்களை எதிர்த்து போராடக் கூடிய ஆன்டிஆக்சிடென்ட்கள் அதிகம்.

ஹெல்த் டிப்ஸ்: தினமும் ஃபிரெஷ், டின்களில் அடைக்கப்பட்ட மற்றும் உலரவைக்கப்பட்ட பெர்ரி பழங்களை சாப்பிடுங்கள்.

நட்ஸ்

பாதாமோ, முந்திரியோ அல்லது நிலக்கடலையோ எல்லாமே கண் பார்வையை மேம்படுத்த வும், நினைவுத் திறனை அதிகரிக்கவும், கெட்ட கொலஸ்ட்ராலைக் குறைக்கவும் உதவுகின்றன.

ஹெல்த் டிப்ஸ்: ஊற வைத்து சாப்பிடும்போது, இந்த கொட்டைகள் முளை விடுவதால் அதிக ஊட்டச்சத்துகள் உடையவையாக மாறி விடுகின்றன.

விதைகள்

சூரியகாந்தி விதைகள், ஆளி விதைகள், பூசணி விதைகள் மற்றும் எள் போன்றவை நிறைவுறா கொழுப்பு நிறைந்துள்ள இயற்கை மூலப்பொருட்கள். சுவையும், மொறு மொறுப்பும் நிறைந்த சூரியகாந்தி விதைகளில் ஆற்றல் அதிகம் உள்ளது. குறிப்பாக இவற்றில் பி-&காம்ப்ளெக்ஸ் சத்துகளும், ஃபோலிக் அமிலமும் நிறைந்துள்ளது. பூசணி விதைகளிலும், ஏராளமான சத்துகள் உள்ளன. அவற்றில் உறக்கத்தை மேம்படுத்தும், அமினோ அமிலம் உள்ளது. மேலும், இதில் மெக்னீசியம் என்ற மற்றொரு இயற்கையான உடலை ரிலாக்ஸ் செய்யும் உட்பொருளும் உள்ளது. நாள் முழுவதும், ஸ்னாக்காக சாப்பிட்டால், இதில் உள்ள எளிதாக செரிக்கும் புரதம், ரத்த சர்க்கரையை நிலைப் படுத்தவும் உதவுகிறது.

ஹெல்த் டிப்ஸ்: லஞ்ச் நேர சாலட்களின் மேல் தூவி சாப்பிடுங்கள்

பச்சைக் காய்கள்

புரொக்கோலி உங்கள் இதயத்தை வலுவாக்கும், இதய நோய்களை எதிர்த்து போராடும். இதில் ஆன்டி ஆக்சிடென்ட்கள் மட்டும் இல்லை, வைட்டமின் சி&யும் உள்ளது, மேலும் இயற்கையான ஃபோலிக் அமிலமும் நிறைந்துள்ளது. ஃபோலிக் அமிலத்தை அதிகமாக உட்கொள்வதால், இதய நோய்கள் ஏற்படுவதற்கான வாய்ப்புகள் குறையும்.

ஹெல்த் டிப்ஸ்: புரொக்கோலியை வேக வைப்பதால், அதில் உள்ள வைட்டமின் ஏ அதிகரிக்கும

இனிப்புகள்

கொஞ்சம் டார்க் சாக்லேட்டை சுவைப்பது அத்தனை பெரிய தவறு இல்லையாம். இதில் ஆன்டி ஆக்சிடென்ட்களும் நிறைந்துள்ளன. தினமும் 1 முதல் 2 அவுன்ஸில் சாப்பிடப்படும் சாக்லேட்டால், ரத்தக் கட்டிகள், குறைந்த ரத்த அழுத்தம் போன்றவை வருவது தடுக்கப்படும் என்றும், சருமத்தின் தரம் மேம்படும் என்றும் சில ஆய்வுகள் சொல்கின்றது.

ஹெல்த் டிப்ஸ்: டார்க் சாக்லேட்டில் நிறைய கலோரிகளும் கொழுப்பும் உள்ளது என்பதை மறக்காதீர்கள், எனவே நிச்சயம் நீங்கள் இதை மிதமான அளவில் மட்டும் தான் இதை சாப்பிட வேண்டும்.

மீன்!

எண்ணெய் அதிகம் கொண்ட மீன்களில், புரதம், ஸின்க், வைட்டமின், ஏ, டி மற்றும் சில பி வைட்டமின்களும் நிறைந்துள்ளன. ஆனால் மீன்களில் உள்ள ஒமேகா 3 ஃபேட்டி ஆசிட்கள் தான் மீன்களுக்கு சூப்பர் உணவு என்ற தகுதியைத் தருகிறது. அதோடு மீனிலிருந்து புரதம், ஒமேகா-3 கொழுப்பு மற்றும் ஆன்டிஆக்சிடென்ட்கள் ஆகியவை உடலில் ஏற்படும் சுருக்கங்களைப் போக்க உதவுகிறது.

ஹெல்த் டிப்ஸ்: மீன்களை வறுப்பதை விட, கிரிலோ பேக் செய்து சாப்பிடலாம்.

ஆப்பிள்

ஆப்பிள்களில் ஆன்டி ஆக்சிடென்ட்கள் நிறைந்துள்ளது. ஆரோக்கியமான சருமத்திற்கும், ஈறுகளுக்கும் உதவும் வைட்டமின் சியும் நிறைந்துள்ளது. ஒரு ஆப்பிளில், உங்கள் தினசரி வைட்டமின் சி தேவையின் கால் பங்கு அடங்கியுள்ளது. இதில் கரையக்கூடிய நார்சத்தான பெக்டினும் உள்ளது, இது கொலஸ்ட் ராலைக் குறைக்கவும், செரிமான மண்டலத்தை ஆரோக்கியமாக வைக்கவும் உதவுகிறது.

ஹெல்த் டிப்ஸ்: உங்கள் டயட்டில் தினசரி ஆப்பிளை சேர்த்துக் கொள்வது உங்கள் சருமத்திற்கு நல்லது.

யோகர்ட்

ஒரு கப் யோகர்ட்டில் 450 மிகி கால்சியம் உள்ளது. இதில் ஏராளமான புரதம், மக்னீசியம் மற்றும் பலவகையான வைட்டமின்கள் நிறைந்துள்ளன. வயிற்றுப் புண்களைக் குறைக்கவும், பெண்ணுறுப்பு நோய்தொற்றுகளைத் தடுக்கவும் உதவுகிறது. மேலும் கான்சர் மற்றும் வயிற்றுப்போக்கு போன்றவற்றை எதிர்த்து போராடவும் உதவுகிறது.

ஹெல்த் டிப்ஸ்: சிறந்த யோகர்ட் என்பது எந்தவொரு இனிப்பு அல்லது பதப்படுத்தும் பொருட்கள் இல்லாத ஆர்கானிக் தயிர்.

பேரீச்சைகள்

இயற்கை நார்ச்சத்துகள், பல வைட்டமின்கள், மினரல்கள், கால்சியம், இரும்புச்சத்து, பொட்டா சியம், மாங்கனீஸ் என்று இதில் இருக்கும் ஊட்டச் சத்துகளுக்கு எல்லயே கிடையாது. பேரீச்சை பழங்கள் பல உடல்நலக் கோளாறுகளை சரிசெய்ய உதவுகின்றன. மலச்சிக்கல் முதல் குடல் சீர்கேடுகள், இதய நோய்கள், செக்ஸுவல் வீக்னெஸ், பல நோய்களுக்கு நிவாரணம் அளிக்கும். எதிர்த்து போராடும் உட்பொருட்கள் இதில் உள்ளன. ஹெல்த் டிப்ஸ்: பேலன்ஸ்டு டயட்டிற்கு மருத்துவர்கள் தினமும் ஒரு பேரீச்சையை சாப்பிட பரிந்துரைக்கிறார்கள்.