50 வயதை கடந்த பிறகு பெண்களும், ஆண்களும் ஒரே தோற்றம் கொண்டிருப்பது இல்லை. திருமணத்திற்கு பிறகு வயதான தோற்றம்

இவர் பெயர் டெனிஸ் (Denise Kirtley), 52 வயது பெண்மணி. இவருக்கும் உடல் எடை குறைக்க வேண்டும் ஆசை இருந்தது. ஆனால், இவர் அந்த டயட் பின்பற்றுவதா, இந்த டயட் பின்பற்றுவதா, எப்படியான உடற்பயிற்சி பின்பற்ற வேண்டும் என்ற ஆராய்ச்சிகளில் மூழ்கவில்லை. மாறாக, ஒரே ஒரு விஷயத்தை இவர் மாற்றிக்கொண்டார். 'எனது பாடி ட்ரான்ஸ்ஃபர்மேஷனில் மிக கடினமான இருந்தது இது தான், எனது மனநிலையை மாற்றிக் கொண்ட பிறகு தான் நான் இளமைக்கு திரும்பி வருகிறேன்', என கூறுகிறார் டெனிஸ்.

கோவிட்-19 பெருந்தொற்று காலக்கட்டத்தில் ஏறத்தாழ 20 கிலோ உடல் எடை அதிகரித்து காணப்பட்டுள்ளார் டெனிஸ். 50 வயதை எட்டும் போது, தனது வாழ்க்கையை தலைகீழாக மாற்ற வேண்டும் என திட்டமிட்டார் டெனிஸ். இப்போது டெனிஸின் வயது 52. இந்த இரண்டு ஆண்டுகளில் இவர் நிறைய உடற்பயிற்சி, ஊட்டச்சத்து நிறைந்த உணவுகள், நேர்மறை எண்ணங்களை வளர்த்துக் கொள்வது என சில மாற்றங்களை ஏற்படுத்திக் கொண்டார். இதன் விளைவாக, இன்று டெனிஸ் முன்பை விட உடல் அளவிலும், மனதளவிலும் தன்னை மிக இளமையாக உணர்கிறார். இப்போதெல்லாம், நாள் முழுதும் எனர்ஜிட்டிக்காக உணர்வதாக கூறுகிறார் டெனிஸ்.

ஒன்லைன் நிறுவனம் மூலம் டயட் பிளான், உடற்பயிற்சி திட்டங்கள் பெற்ற டெனிஸ், இப்போது பாடி பில்டிங் மீது அலாதி பிரியம் கொண்டிருக்கிறார். நம்புவதற்கு கடினமாக இருந்தாலும்... இதான் நெசம் மக்களே... 50 வயதுக்கு பிறகு, நிறைய போட்டிகளில் பங்குபெற்று வருகிறார் டெனிஸ்

வயது அதிகரிப்பதற்கும், முதுமைக்கும் நிறைய வித்தியாசம் இருக்கிறது. நாம் எப்படி வயதாக வேண்டும் என்பதை நாம் தான் தீர்மானம் செய்ய வேண்டும். எல்லாம் நமது மனநிலையை பொறுத்தது என்கிறார் இவர். எனக்கும் வயதாகிறது தான், ஆனால் நான் வலிமையாக, துடிப்பாக, மிகவும் உற்சாகமாக உணர்கிறேன்.

தனது டயட்டில் கார்ப்ஸ் உணவுகளை தவிர்த்துவிட்டு, புரதம் நிறைந்த உணவுகளை சேர்த்துக் கொள்கிறார் டெனிஸ். மேலும், வாரத்திற்கு 5 நாள் உடற்பயிற்சி செய்வதை வழக்கமாக கொண்டிருக்கும் டெனிஸ், டம்பல்ஸ், ரெஸிஸ்டண்ட் பேண்ட்ஸ் போன்றவற்றை உடற்பயிற்சிகளுக்கு உபயோகப்படுத்துகிறார்.

வாரத்தில் இரண்டு நாள் அப்பர் பாடி, பிற நாட்கள் லோவர் பாடி என பிரித்து உடற்பயிற்சிகளில் ஈடுபடுகிறார் டெனிஸ். தனது மொத்த உடற்பயிற்சி மற்றும் உடல் மாற்றத்தை டாக்குமெண்ட் செய்து வைத்துள்ளார். இப்போது, டெனிஸ் சொந்தமாக ஃபிட்னஸ் & நியூட்ரிஷன் கோச்சிங் நிறுவனம் நடத்திவருகிறார்.

இந்த உடல் எடை குறைக்கும் பிராஸஸில் நம்முன் நிற்கும் பெரிய சவாலே நமது மனநிலையை இதற்கு ஏற்ப மாற்றிக் கொள்வது தான். இதை சாதித்துவிட்டால், மற்றதெல்லாம் எளிதான காரியம் என்கிறார் டெனிஸ். கடந்த ஒரு வருடத்தில் இவர் 22 கிலோ உடல் எடை குறைத்துள்ளார் என்பது குறிப்பிடத்தக்கது