இனிமையான இல்லறம் என்பது ஆண் பெண் இருவரது உடல் மற்றும் மன ஆரோக்கியம் பொறுத்தது. ஆண்மை குறைபாடு, விறைப்புத்தன்மை குறைபாடு, முன்கூட்டிய விந்து வெளியேறுதல், திருப்தியின்மை போன்ற பிரச்சனைகளை எதிர்கொண்டு வரும் ஆண்களின் எண்ணிக்கை அதிகரித்துவருகிறது. இதற்கு பல காரணங்கள் உண்டு. பெரும்பாலும் ஆரோக்கியமான உணவு முறை மற்றும் வாழ்க்கை முறை மூலம் ஆண்கள் இதை தவிர்த்துவிட முடியும் என்கிறார் பாலியல் சிகிச்சை நிபுணர் காமராஜ். இது குறித்து அவர் தரும் குறிப்புகள் என்ன என்பதை பார்க்கலாம்.

ஆண்கள் பாலியல் உறவில் ஈடுபடுவதற்கு ஆரோக்கியமாக வைப்பதற்கு சில குறிப்புகளை பின்பற்ற வேண்டும். இதை சுருக்கமாக A முதல் I வரை என்று சொல்லலாம்.

A-          avoid alcohol and smoking

ஆண்கள் ஆல்கஹால் மற்றும் மதுப்பழக்கத்தை தவிர்ப்பது உடல் ஆரோக்கியத்துக்கு மிகவும் நல்லது அதே போன்று பாலுறவில் சிறப்பாக இயங்கவும் ஆண் மலட்டுத்தன்மை தவிர்க்கவும் இந்த இரண்டு பழக்கத்தையும் கை விட வேண்டும். இவை இரண்டும் ஆணுறுப்பு பாதிக்க செய்யலாம்.

B- bmi calculator

ஆண்கள் உடல் நிறை குறியீட்டெண் கால்குலேட்டரை பயன்படுத்தி அதற்கேற்ப உடல் எடையை கட்டுக்குள் வைத்துகொள்ள வேண்டும். இது ஆணின் நபரின் உயரம் மற்றும் எடையின் அடிப்படையில் உடலமைப்பின் அளவீடு. ஆண்கள் அதிக குண்டாக இல்லாமல் அதிக மெலிவாக இல்லாமல் உடல் எடையை கட்டுக்குள் வைப்பது அவசியம்.

C- control

வயதான காலத்தில் வரக்கூடிய இரத்த அழுத்தம், நீரிழிவு, கொழுப்பு போன்ற பிரச்சனையை தவிர்க்க இளவயதிலேயே இதை கட்டுக்குள் வைப்பதும் அவ்வபோது பரிசோதிப்பதும் அவசியம். குடும்ப வரலாறில் யாருக்கேனும் இந்த பிரச்சனை இருந்தால் தவிர்க்காமல் அடிக்கடி பரிசோதிக்க வேண்டும்       

D- diet control

ஆண்கள் உணவு முறைகள் ஆரோக்கியமாக இருக்க வேண்டும். பழங்கள், காய்கறிகள், கொட்டைகள் விதைகள், கீரைகள் என சரிவிகித உணவாக எடுத்துகொள்ள வேண்டும். குப்பை உணவுகள், செயற்கை நிறம் சேர்த்த உணவுகள், பேக்கரி உணவுகள் போன்ற உடலுக்கு கேடு தரும் உணவுகளை தவிர்க்க வேண்டும்.

E- exercise

ஆண்கள் உடல் பயிற்சியில் அதிக கவனம் செலுத்த வேண்டும். உடல் உழைப்பு இல்லாதவர்கள் கண்டிப்பாக உடல்பயிற்சி செய்ய வேண்டும். வாழ்க்கையின் ஒரு பகுதியாக வைத்திருக்க வேண்டும். ஜிம், நீச்சல், வீட்டில் எளிதான நடைபயிற்சி போன்றவற்றை கடைப்பிடிக்க வேண்டும். உடலுறவில் ஆர்வத்துடனும் ஆற்றலுடனும் இயங்க உதவும்.

F- frequent sex

ஆண்கள் பாலியல் உறவில் ஆரோக்கியமாக இருக்க அடிக்கடி பாலியல் உறவில் ஈடுபடுவது அவசியம். இரத்த அழுத்தம், நோய் எதிர்ப்பு சக்தி, பாலுறவில் ஆர்வம், வலி நிவாரணி, ஆழ்ந்த தூக்கம் போன்றவற்றை அளிக்க கூடியது. இத்தகைய ஆண்கள் பாலுறவில் சிறப்பாக இயங்க முடியும்.

G- green tea

கஃபைன் கலந்த பானங்களை காட்டிலும் க்ரீன் டீ குடிப்பது பலவித ஆரோக்கியத்தை அளிக்கும். நாள் ஒன்றுக்கு ஒரு வேளை குடித்தால் கூட போதுமானது.

H-happiness

மகிழ்ச்சியான மனநிலையை வைத்துகொள்வது அவசியம். மன அழுத்தம், கவலை, சோகம் போன்றவை எதிர்மறையான தாக்கத்தை அழுத்த செய்யலாம். இவை பாலியல் ரீதியாகவும் பாதிப்பை ஏற்படுத்தலாம். ஆண்கள் தங்களை மகிழ்ச்சியாக வைத்திருக்க பிடித்த விஷயங்களில் சில மணி நேரம் ஈடுபடுவது நன்மை அளிக்கும்.

I- insomnia

ஆழ்ந்த தூக்கம் உடல் ஆரோக்கியம் போன்று பாலியல் ஆரோக்கியத்துக்கும் முக்கியமானது. தூக்கமின்மை நாள் முழுவதும் சோர்வையும் உடன் பாலியல் செயல் இழப்பையும் உண்டு செய்யலாம். நாள் ஒன்றுக்கு 8 மணி நேர தூக்கம் அவசியம். இவை உடல் ஆரோக்கியத்துக்கும் அவசியமான ஒன்று.

இந்த குறிப்புகளை எல்லா ஆண்களுமே கடைப்பிடிக்கலாம். டீன் ஏஜ் வயதில் உடல் ஆரோக்கியத்தில் கவனம் செலுத்தாதவர்களும் கூட 30 வயதுக்கு பிறகு இதில் கவனம் செலுத்தினால் அவர்களால் பாலியல் வாழ்க்கையில் சிறப்பாக இயங்க முடியும். உடல் ஆரோக்கியமாகவும் இருக்கும்