முத்தம் கொடுப்பதில் நிறைய ஆரோக்கிய நன்மைகள் இருக்கின்றன என்பது உண்மைதான். அதேபோல முத்தம் மன ஆரோக்கியத்தையும் மேம்படுத்தும். ஆனால் பருவும் வரும். அதுக்கு இதெல்லாம் தான் காரணம்.

அது நம்முடைய சுகாதாரத்துடனும் தொடர்புடையது என்பதை மறந்து விட கூடாது.

முத்தம் கொடுக்கும் போது ஒருவருக்கு பாக்டீரியா தொற்று ஏதேனும் வாயில் இருந்தால் அது மற்றவருக்கும் எளிதில் பரவலாம்.

ஒருவேளை முத்தம் வாங்கிக் கொள்பவருடைய சருமம் சென்சிடிவ்வான சருமமாகவோ, பரு அதிகமாக வரும் சருமமாகவோ இருந்தால் மிக எளிதில் தொற்று பரவி பரு அதிகரிக்கும்.

சிலர் முத்தத்தை மென்மையாகக் கொடுப்பார். சிலர் அதை கடினமாக அழுத்தமாக கொடுக்க நினைக்கும் போது சில சருமப் பிரச்சினைகள் வரும்.

குறிப்பாக லிப் - லாக் முத்தமாக இருந்தால் அதிக அழுத்தம் கொடுக்கும் போது வாங்கிக் கொள்பவரின் உதடுகள் எரிச்சல் அடையலாம். உதடுகள் சிவப்பது, எரிச்சல் ஆகியவற்றாலும் சில சமயம் வாய்ப்பகுதியை ஒட்டி பருக்களை உண்டாக்கலாம்.

முத்தம் கொடுப்பவரோ பெறுபவரோ உதட்டுக்கு லிப் பாம், லிப்ஸ்டிக் ஆகியவை அணிந்திருந்தால் அதிலுள்ள ரசாயனங்கள் யாரேனும் ஒருவருக்கு அழற்சியை ஏற்படுத்தலாம்.

அதனால் முத்தம் கொடுக்கும் முன், முகம், வாய் எல்லாவற்றையும் சுத்தம் செய்வது மிக முக்கியம்.

சருமத்தில் பருக்கள் வருவதற்கு முத்தம் கொடுப்பது மிக அரிதான காரணம் தான். ஆனால் அதைத்தாண்டி நிறைய காரணங்கள் இருக்கின்றன

மரபணு ரீதியாகவும் பருக்கள் உண்டாகலாம்.

மன அழுத்தமும் பருக்களை உண்டாக்கும்.

ஆரோக்கியமற்ற உணவு முறையால் அதிகமாக பருக்கள் வரும்.

சரியான சருமப் பராமரிப்பு இல்லாதது பருக்களை உண்டாக்கும்.

சுற்றுச்சூழல் மாசுபாடு, கடினமான ரசாயனங்கள் ஆகியவை பருக்களை உற்பததி செய்யக் கூடும்.

ஹார்மோன் சமநிலையின்மையால் கூட பருக்கள் உண்டாகும்.

ஒரு நாளைக்கு இரண்டு முறையாவது முகத்தைக் கழுவுங்கள்.

முகம் கழுவ மென்மையான, அதிக ரசாயனங்கள் இல்லாத ஃபேஸ்வாஷ்களைப் பயன்படுத்துங்கள்.

சருமத்தை அதிக நீர்ச்சத்துடன் வைத்திருக்க வேண்டும். அதனால் நிறைய தண்ணீர் குடிக்க வேண்டியது

வாரத்தில் இரண்டு முறை சருமத்தை எக்ஸ்ஃபோலியேட் செய்வது நல்லது.

நிறைய காய்கறிகள், பழங்கள், முழு தானியங்கள் ஆகியவை நிறைந்த ஆரோக்கியமான உணவுமுறையை பின்பற்ற வேண்டும்.

தனி டவல் பயன்படுத்த வேண்டும்.

எண்ணெயில் பொரித்த, வறுத்த உணவுகளைத் தவிர்க்க வேண்டும.

மன அழுத்தம் இல்லாமல் இருக்க வேண்டும்.

சன் ஸ்கீரின் கட்டாயம் அப்ளை செய்ய வேண்டும்.