பேக்கரி தொழில்களில் இது முக்கிய பங்கு வகிக்கிறது. ஈஸ்ட் ஒரு நன்மை செய்யக்கூடிய பாக்டீரியா ஆகும். இது பேக் செய்யப்பட்டு விற்கப்படுகிறது. பன் போன்ற பல உணவுகளில் ஈஸ்ட் பாக்டீரியா கலக்கப்படுகிறது. அதற்கு பதிலாக வேறு எதை கொண்டு புளிக்க செய்யலாம் என நாம் பார்க்கலாம்.

20,000 பேருக்கு மேல இப்போ என்ன பண்ணிட்டு இருக்காங்க தெரியுமா? நீங்களே பாருங்க

இரவு உணவுகள், பீட்சா மாவு, ரொட்டி, பன்கள் உட்பட அனைத்து பேக்கரி உணவுகளிலும் ஈஸ்ட் ஒரு முக்கிய அங்கமாக உள்ளது. ஏனெனில் இது மாவை புளிக்க வைக்க உதவுகிறது. சாதரணமாக ஒரு மாவில் இயற்கையாக ஈஸ்ட் பாக்டீரியா உற்பத்தியாகி அது புளிப்பதற்கு நேரம் ஆகும். ஆனால் நாம் அதை செயற்கையாக சேர்க்கும்போது மாவு சீக்கிரமே புளித்து விடுகிறது.

​ஈஸ்ட்

உலர் ஈஸ்ட்டை சர்க்கரையுடன் சேர்க்கும் போது சர்க்கரை முன்னிலையில் செயல்ப்படுகிறது. இது கார்பன் டை ஆக்ஸைடு குமிழ்களை உருவாக்குகிறது. இந்த குமிழ்கள் அடர்த்தியான மாவில் சிக்கிக்கொள்கின்றன. பிறகு கார்பன் டை ஆக்ஸைடு வெப்பத்தில் விரிவடைந்து மாவை உயர்த்துகிறது. இந்த உயரும் செயல்முறையே புளித்தல் என அழைக்கப்படுகிறது. இதனால் நமக்கு பஞ்சு போன்ற உணவுகள் கிடைக்கின்றன.

ஈஸ்ட் இல்லாமல் நம்மால் இந்த புளிப்பு முறையை செய்ய முடியுமா என நீங்கள் யோசிக்கலாம். அதிர்ஷ்டவசமாக நமக்கு ஈஸ்ட்டுக்கு மாற்று பொருட்களும் இருக்கத்தான் செய்கின்றன. அவற்றை இப்போது பார்ப்போம்.

​பேக்கிங் பவுடர்

பேக்கரி தயாரிப்புகளுக்கு பேக்கிங் சோடா ஒரு முக்கியமான மூலப்பொருளாகும். இது பேக்கிங் சோடா மற்றும் அமிலத்தை கொண்டுள்ளது.

ஈஸ்டை போலவே பேக்கிங் பவுடரும் புளிக்க வைப்பதற்கு பயன்படுகிறது. இது இரண்டு வழிகளில் செயல்ப்படுகிறது.

திரவத்துடன் எதிர்வினை: மாவு ஈரப்பதமாக இருக்கும்போது அமிலமானது பேக்கிங் சோடாவுடன் வினைப்புரிந்து கார்பன் டை ஆக்ஸைடு குமிழ்களை உருவாக்குகின்றன. வெப்பத்துடன் எதிர்வினை: ஈஸ்ட்டை போலவே இதுவும் வெப்பமடையும்போது வாயு குமிழ்கள் மேலும் விரிவடைந்து மாவை உயர செய்கின்றன

திரவம் மற்றும் வெப்பத்தில் ஈடுப்படும்போது பேக்கிங் பவுடர் உடனடியாக வினைப்புரிகிறது. எனவே ஈஸ்ட்டை போல் அல்லாமல் பேக்கிங் பவுடரை பயன்படுத்துவதற்கு கூடுதல் நேரம் தேவையில்லை. இதனால் பேக்கிங் பவுடர் பிஸ்கட் மற்றும் கேக்குள் போன்ற உணவுகளை விரைவாக புளிக்க வைக்க பயன்படுகிறது.

உணவுகளை புளிக்க வைக்க பேக்கிங் பவுடருடன் சம அளவு ஈஸ்டை சேர்க்கலாம். பேக்கிங் பவுடருக்கு ஈஸ்ட்டுக்கும் புளிக்க வைக்கும் காலம் மட்டுமே வேறுப்படுகிறது. மற்றப்படி இரண்டும் ஒரு மாதிரியே வினைப்புரிகிறது.

​சமையல் சோடா மற்றும் அமிலம்

ஈஸ்ட்டிற்கு பதிலாக பேக்கிங் சோடாவை அமிலத்துடன் கலந்து பயன்படுத்தலாம். பேக்கிங் சோடா மற்றும் அமிலம் இரண்டும் ஒன்றாக இணைந்து பேக்கிங் பவுடர் காட்டும் வினையை செய்கின்றன.

இருப்பினும் பேக்கிங் சோடா அல்லது அமிலத்தை தனி தனியாக பயன்படுத்துவதால் சுடப்பட்ட பொருட்கள் உயராது. அவற்றை உயர வைக்க இது இரண்டையும் நீங்கள் இணைக்க வேண்டும்.

ஈஸ்டின் புளிப்பை பிரதிபலிக்க செய்ய பேக்கிங் சோடாவுடன் பயன்படுத்த பின்வரும் அமிலங்கள் பரிந்துரைக்கப்படுகின்றன. அவை

எலுமிச்சை சாறு

மோர்

பால் மற்றும் வினிகர்

டார்ட்டரின் க்ரீம்

ஒரு உணவை செய்ய எவ்வளவு ஈஸ்ட் தேவைப்படுகிறதோ அதே அளவில் பாதி சமையல் சோடாவும் பாதி அமிலமும் சேர்த்துக்கொள்ளவும்

உதாரணமாக ஒரு செயல்முறைக்கு 2 டீஸ்பூன் ஈஸ்ட் தேவைப்படுகிறது என்றால் அதில் 1 டீஸ்பூன் பேக்கிங் சோடா மற்றும் 1 டீஸ்பூன் அமிலத்தை பயன்படுத்தலாம்.

பேக்கிங் பவுடரை பயன்படுத்தும்போது பேக்கிங் சோடா மற்றும் அமிலத்தை பயன்படுத்தும்போது விரைவான விளைவுகளை நாம் எதிர்ப்ப்பார்க்க முடியாது. மேலும் இதன் புளிப்பு விளைவுகள் ஈஸ்ட் அளவிற்கு கூட சக்தி வாய்ந்ததாக இருக்காது.

​புளிப்பு ஸ்டார்ட்டர்

இது மாவு மற்றும் தண்ணீரில் தயாரிக்கப்பட்டு புளிப்பு ரொட்டி தயாரிக்க பயன்படுகிறது. இது ஈஸ்ட்டின் இயற்கையான நொதித்தல் செயல்முறையில் இருந்து சற்று உறுதியான சுவையை கொண்டுள்ளது.

சில புளிப்பு ஸ்டார்ட்டர்கள் பல ஆண்டுகளாக பின்பற்றப்படுகின்றன. அவை ரொட்டிக்கு புளிப்பான வலுவான சுவையையும் மென்மையான மெல்லிய அமைப்பையும் வழங்குகின்றன.

ஒரு புளிப்பு ஸ்டார்ட்டரால் நொதித்தலில் ஈஸ்ட் போலவே செயல்ப்பட முடியும். மாவில் கார்பன் டை ஆக்ஸைடுகள் உருவாகி அவை மாவை உயர்த்தும்.

2 ஸ்பூன் ஈஸ்ட்டுக்கு பதிலாக 300 கிராம் புளிப்பு ஸ்டார்ட்டரை பயன்படுத்தலாம். உங்கள் ஸ்டார்ட்டர் தடிமனாக இருந்தால் செய்முறையின் போது மாவின் அளவை குறைக்கவும். உங்கள் ஸ்டார்ட்டர் மெல்லியதாக இருந்தால் கலவையில் திரவத்தின் அளவை குறைக்கவும். மாவு உயருவதற்கு ஈஸ்ட்டுக்கு பதிலாக ஸ்டார்ட்டரை பயன்படுத்தும்போது அது ஈஸ்ட்டை விட இரண்டு மடங்கு நேரம் எடுத்துக்கொள்கிறது.

சொந்தமாக புளிப்பு ஸ்டார்ட்டர் செய்வது எப்படி?

ஒரு புளிப்பு ஸ்டார்ட்டரை செய்வதற்கு குறைந்த பட்சம் 5 நாட்கள் தேவைப்படும். ஆனால் உருவாக்கிய ஸ்டார்ட்டரை பயன்படுத்துவது மற்றும் பராமரிப்பது மிக எளிது ஆகும். அதை செய்வதை இப்போது பார்ப்போம்.

மாவு- 2 ½ கப் (600 கிராம்)

தண்ணீர்- 2 ½ கப் (600 மி.லி)

​ஸ்டார்ட்டரை உருவாக்குவதற்கான படிநிலைகள்:

நாள் 1: ஒரு பெரிய கண்ணாடி கொள்கலனில் ½ கப் (120 கிராம்) மாவு மற்றும் ½ கப் (120 மி.லி) தண்ணீர் ஊற்றி ப்ளாஸ்டிக் மூடி அல்லது சுத்தமான துண்டு கொண்டு தளர்வாக மூடி வைக்கவும்.

நாள் 2: பிறகு மீண்டும் ½ கப் (120 கிராம்) மாவு மற்றும் ½ கப் (120 மி.லி) தண்ணீர் ஊற்றி இரண்டாம் நாளில் அந்த மாவை நன்கு கலக்கவும் . பிறகு அதை தளர்வாக மூடி வைக்கவும். இரண்டாம் நாளின் முடிவில் நீங்கள் அதில் குமிழ்கள் உருவாவதை காணலாம். அதாவது அப்போது ஈஸ்ட் மாவை புளிக்க வைத்துக்கொண்டிருக்கும்.

நாள் 3: 2 ஆம் நாள் செய்த படிநிலையையே மீண்டும் மூன்றாம் நாளும் செய்யவும். அதிக குமிழ்கள், வலுவான புளிப்பு வாசனை ஆகியவற்றை அப்போது நீங்கள் கவனிக்க வேண்டும்.

நாள் 4: 2 ஆம் நாள் செய்த படிநிலையையே மீண்டும் மூன்றாம் நாளும் செய்யவும். அதிக குமிழ்கள், வலுவான புளிப்பு வாசனை ஆகியவற்றை இப்போதும் நீங்கள் கவனிக்க வேண்டும். மாவு உயர்ந்து வருவதை நீங்கள் இப்போது கவனிக்கலாம்.

நாள்: இப்போதும் இரண்டாம் நாள் செய்த படிநிலைகளையே செய்யவும். இப்போது அளவுக்கதிகமான குமிழை மாவில் காணலாம். இப்போது அது பயன்படுத்த தயாராக இருக்கும். 5 நாட்களுக்கு பிறகு புளிப்பு ஸ்டார்ட்டரை பராமரிக்க அதை குளிர்சாதன பெட்டியில் காற்று புகாத கொள்கலனில் சேமித்து வைக்கவும். ஒவ்வொரு வாரமும் அதில் பாதியை பயன்படுத்தலாம். அதே போல வாரம் ஒரு முறை அதில் கொள்கலனில் ½ கப் (120 கிராம்) மாவு மற்றும் ½ கப் (120 மி.லி) தண்ணீர் சேர்க்கவும்.

ஒரு புளிப்பு ஸ்டார்ட்டரை தயாரிக்க குறைந்தப்பட்சம் 5 நாட்கள் ஆகும் என்பதால் நீங்கள் அதற்கு காத்திருக்க வேண்டும்.

ஈஸ்ட்டானது வேகவைத்த பொருட்களுக்கு காற்றோட்டம், லேசான தன்மை மற்றும் மெல்லும்போது எளிதாக்குகிறது. ஆனால் அதற்கு பதிலான மாற்று பொருட்களும் இருக்கத்தான் செய்கின்றன.

பேக்கிங் பவுடர், அமிலம் கலந்த பேக்கிங் சோடா, இவையெல்லாம் திரவத்திலும் வெப்பத்திலும் வினைப்புரிந்து மாவை புளிக்க வைக்கின்றன. ஆனால் இவை புளிக்க வைக்கும் நேரம் என்பது மாறுப்படுகிறது.

அதே போல புளிப்பு ஸ்டார்ட்டரையும் நீங்கள் பயன்படுத்தலாம். அதன் முடிவுகளை ஈஸ்ட்டுடன் ஒப்பிடலாம். ஆனால் ஸ்டார்ட்டர் ஈஸ்ட்டை காட்டிலும் இரு மடங்கு நேரத்தை எடுத்துக்கொள்ளும். இவை ஈஸ்ட் அளவிற்கான வேலையை செய்யாது என்றாலும் ஈஸ்ட் இல்லாத போது நாம் இவற்றை பயன்படுத்தலாம்.

உடனுக்குடன் தேர்தல்களம், சினிமா கிசுகிசு, செய்திகள் விளையாட்டு, நிகழ்வுகள்... Tamils4.com News channel உடன் எப்போதும் இணைந்திருங்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்