கோவிட் -19 க்கு சிகிச்சையளிப்பதற்கான உலகின் மிகப்பெரிய மருத்துவ சோதனைகள் முன் எப்போதும் இல்லாத அளவிலான வேகத்தில், பிரிட்டனில் இடம்பெறுவதாக தெரிவிக்கப்பட்டுள்ளது.

மீட்பு சோதனையில் ஈடுபட்டுள்ள விஞ்ஞானிகள், 5,000 க்கும் மேற்பட்ட சோதனை பாடங்களுடன், அவற்றுக்கான பதில்களை எதிர் வரும் வாரங்களுக்குள் எதிர்பார்ப்பதாகவும் குறிப்பிடப்பட்டுள்ளது.

கொரோனா வைரஸைக் குணப்படுத்துவதற்கான தேடலின் மையங்களில், ஒக்ஸ்போர்ட் பல்கலைக்கழகத்தின் (Oxford University) ஜென்னர் நிறுவனம் (Jenner Institute), முக்கியமானதாகும்.

இந்த நிலையில் கொரோனா வைரஸ் தொற்றை கட்டுப்படுத்துவதற்கான மீட்பு பரிசோதனைகளை பிரிட்டனின் 165 வைத்தியசாலைகளில் 5 ஆயிரத்திற்கு மேற்பட்ட தொற்றாளர்களிடம் எதிர் வரும் ஒரு மாதத்துள் மேற்கொள்ளப்பட உள்ளதாகவும், அமெரிக்கா மற்றும் ஐரோப்பாவில் இடப்பெற்ற மாதிரிப் பரிசோதனைகளை போன்றதாக இருக்கும் எனவும் தெரிவிக்கப்பட்டுள்ளது.

இந்தப் பரிசோதனை, இதுவரை இடம்பெறாத “உலகின் மிகப்பெரிய சோதனை” என ஒக்ஸ்போர்ட் பல்கலைக்கழகத்தின் (Oxford University ) வளர்ந்து வரும் தொற்று நோய்கள் மற்றும் உலகளாவிய ஆரோக்கியத்திற்கான பேராசிரியர் பீட்டர் ஹோர்பி (professor Peter Horby), தெரிவித்துள்ளார். இவர் முன்னர் மேற்கு ஆபிரிக்காவிலும் கொங்கோ ஜனநாயக குடியரசிலும் (D.R.C) எபோலா மருந்து சோதனைகளுக்கு தலைமை தாங்கியிருந்தார்.

இந்த நிலையில் கொரோனா தொற்றுக் குறித்த பரிசோதனையின் உறுதியான தரவைக் கொண்ட முதல் தரப்பாக பிரிட்டனின் மீட்புக் குழு இருக்கும் என எதிர்பார்க்கப்படுகிறது. குறிப்பாக “ஜூன் மாதத்தில் இதற்கான சில விடைகள் கிடைக்கும் என யூகிக்கிறோம், குறிப்பாக நாங்கள் முடிவுகளைப் பெறலாம். அத்துடன் பல நன்மைகள் உள்ளன என்பது தெளிவாகத் தெரிவதால், அதற்கான பதில்களும் விரைவாகக் கிடைக்கும்.” ஆனால் கோவிட் -19 விஷயத்தில், ““magic bullet”.” ஆக இருக்காது என்று அவர் கூறியுள்ளார்.

இதேவேளை உலகளவில் மருத்துவர்கள், சில மருந்துகளைப் பயன்படுத்துவதன் பின்னணியில் இந்த குழு செயல்படுகிறது, எனினும் இன்னமும் நல்ல அறிவியல் சான்றுகள் இல்லாமல், ” கருணையுடன் பயன்படுத்தல்” என்ற மேற்கோளுடனான ஒரு சிகிச்சையாக இதனை அவர்கள் நம்புகிறார்கள். இந்த செயற்பாட்டில் அரசியல்வாதிகளும் உள்ளே நுழைகிறார்கள். பழைய மலேரியா எதிர்ப்பு மருந்து குளோரோகுயினின் குறைந்த நச்சு வடிவமான ஹைட்ராக்ஸி குளோரோகுயினை பயன்படுத்தலாம் என அமெரிக்க ஜகாதிபதி டொனால்ட் டிரம்ப் தெரிவித்துள்ளார்.

அசித்ரோமைசின் (azithromycin) என்ற மருந்தை நோய் எதிர்ப்பு மருந்துடன் (antibiotic) இணைந்து பயன்படுத்தப்படுத்தலாம், இது “மருத்துவ வரலாற்றில் மிகப்பெரிய மாற்றிகளில் ஒன்றாக இருக்கலாம்” என டிரம்ப் ட்வீட் செய்துள்ளார். இந்தக் கலவையானது ஒரு சிகிச்சை என பிரெஞ்சு மருத்துவர் டிடியர் ரவுல்ட் (Didier Raoult) கூறியுள்ளார். இது பிரான்சில் பிரபல்யமாக உள்ள மருந்துகளில் ஒன்றாக விழங்குகிறது. ஜனாதிபதி மக்ரோன் கடந்த வாரம் மார்சேயில் உள்ள ரவுல்ட் மருத்துவமனைக்கு விஜயம் செய்து, தற்காலிக அவருக்கு தனது ஆதரவை வழங்கினார், ஆனால் இது குறித்து மேலும் சோதனைகள் தேவை என பரிந்துரைத்தார்.

மீட்புச் சோதனையின் ஒரு பகுதியாக ஹைட்ராக்ஸி குளோரோகுயின் மற்றும் அசித்ரோமைசின் (hydroxychloroquine and azithromycin) இரண்டும் தனித்தனியாக பரிசோதிக்கப்படுகின்றன, மேலும் அந்த மருந்துகள் தனியாக கொடுக்கப்பட்ட நோயாளிகளுக்கு ஏதேனும் பாதிப்பு ஏற்படுகிறதா என்பதனை மருந்துகள் கொடுக்கப்படாதவர்களுடன் ஒப்பிடு செய்து பின்னர் இணைக்கப்படும் எனக் கூறப்பட்டுள்ளது.