கம்பஹா, மினுவாங்கொடை மற்றும் மீரிகம வைத்தியசாலைகளுக்கு அத்தியாவசிய விசேட வைத்தியர்கள், தாதியர்கள் மற்றும் கனிஷ்ட ஊழியர்களை உடனடியாக வழங்குவதற்கு மேல் மாகாண ஆளுநரும் சுகாதார அமைச்சரும் இணக்கம் தெரிவித்துள்ளனர்.

மேலும், மேல்மாகாண ஆளுநர் மார்ஷல் ஒப் தி எயார்போர்ஸ் ரொஷான் குணதிலக மற்றும் சுகாதார மற்றும் கைத்தொழில் அமைச்சர் மருத்துவர் மேஷ் பத்திரன ஆகியோர் கம்பஹா வைத்தியசாலைக்கு 350 மில்லியன் ரூபா செலவில் Cardiac Catheterization ஆய்வு கூடத்தை வழங்கியும் மினுவாங்கொடை வைத்தியசாலையில் சத்திரசிகிச்சை பிரிவுப் பணிகளை கூடிய விரைவில் ஆரம்பித்து வைப்பதற்காகவும் மீரிகம வைத்தியசாலையில் புதிதாக நிர்மாணிக்கப்பட்டுள்ள மூன்று மாடிக் கட்டிடத்தின் நிர்மாணப் பணிகளை துரிதப்படுத்துவதற்கும் மேலும் ஒப்புக்கொண்டார்கள்.

கம்பஹா, மினுவாங்கொடை மற்றும் மீரிகம வைத்தியசாலைகளில் காணப்படும் குறைபாடுகளை கண்டறியும் நோக்கில் கடந்த வெள்ளிக்கிழமை (01) கண்காணிப்பு விஜயத்தில் ஈடுபட்ட நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்கவின் வேண்டுகோளுக்கு இணங்க அவர்கள் இந்த உடன்பாட்டை வெளிப்படுத்தினர். இந்த மருத்துவமனைகளில் வெளி நோயாளர்கள் பிரிவு, நோயாளர்கள் விடுதி, கிளினிக் வளாகம், ஆய்வு கூடம், அவசர சிகிச்சை பிரிவு, சமையலறை உள்ளிட்ட பிரிவுகள் சிறப்பாக கண்காணிக்கப்பட்டன.

வைத்தியசாலைக்கு மருந்துகளை பெற்றுக்கொள்ளும் முறை, மருந்து தட்டுப்பாடு உள்ளதா, நோயாளர் பராமரிப்பு சேவைகள் எவ்வாறு மேற்கொள்ளப்படுகின்றன, வைத்தியசாலையில் செயல்படுத்தப்படும் அபிவிருத்தித் திட்டங்களின் தற்போதைய நிலை, வைத்தியசாலைகளுக்குத் தேவையான மனித மற்றும் பௌதீக வளங்களின் தேவைகள் என்பன தொடர்பில் சுகாதார அமைச்சர் விசேட கவனம் செலுத்தினார்.

வைத்தியசாலைகளுக்கு கண்காணிப்பு விஜயம் மேற்கொண்ட அமைச்சர், வைத்தியசாலை ஊழியர்களுடன் விசேட கலந்துரையாடலில் ஈடுபட்டதுடன், ஊழியர்களின் கடமைகள் மற்றும் ஏனைய பிரச்சினைகள் தொடர்பில் கேட்டறிந்தார். மூன்று வைத்தியசாலைகளிலும் சிறப்பு மருத்துவர்கள், தாதியர்கள் மற்றும் கனிஷ்ட ஊழியர்களின் கனிஷ்ட ஊழியர்கள் பற்றாக்குறை உள்ளது என்பது சிறப்பு உண்மை.

நாட்டில் உள்ள ஒவ்வொரு வைத்தியசாலையிலும் விசேட வைத்தியர்கள், தாதியர்கள் மற்றும் கனிஷ்ட ஊழியர்களின் பற்றாக்குறையே பிரதான பிரச்சினை எனவும், தேவையான ஆட்சேர்ப்புகளை மேற்கொள்ளும் போது வெற்றிடங்களுக்கு முன்னுரிமை வழங்கப்படும் எனவும் சுகாதார அமைச்சர் ரமேஷ் பத்திரன தெரிவித்தார்.

அபிவிருத்தி நடவடிக்கைகளுக்கு தேவையான மதிப்பீடுகள் தயாரிக்கப்பட்டு வழங்கப்படும் எனவும், அதற்கேற்ப தேவையான நிதி ஒதுக்கீடுகள் வழங்கப்படும் எனவும் சுகாதார அமைச்சர் மேலும் தெரிவித்தார். இங்கு அமைச்சர் பிரசன்ன ரணதுங்க, புதிய திட்டங்களை ஆரம்பிக்கும் முன்னர் முடிக்கப்படாத அபிவிருத்திப் பணிகளுக்கு முன்னுரிமை வழங்குமாறு தெரிவித்தார்.

 நாட்டின் சனத்தொகையில் 11% கம்பஹா மாவட்டத்தில் வாழ்கின்றனர். 2023 ஆம் ஆண்டில், 1100 க்கும் மேற்பட்ட இதய நோயாளிகள் பதிவாகியுள்ளனர். அந்த நோயாளிகளில் பெரும்பாலானவர்கள் 50 வயதுக்குட்பட்டவர்கள். Cardiac Catheterization ஆய்வு கூடம் இல்லாத காரணத்தினால் நோயாளிகளை மேலதிக சிகிச்சைக்காக கொழும்பு தேசிய வைத்தியசாலைக்கு மாற்ற வேண்டிய நிலை ஏற்பட்டுள்ளதாக கம்பஹா வைத்தியசாலை வைத்தியர்கள் சுட்டிக்காட்டியுள்ளனர்.

கம்பஹா வைத்தியசாலையில் காணப்படும் பிரதான குறைபாடாக உள்ள Cardiac Catheterization ஆய்வு கூடம் உடனடியாக வழங்கப்படும் என அமைச்சர் ரமேஷ் பத்திரன இங்கு தெரிவித்தார். இதற்குத் தேவையான 350 மில்லியன் ரூபா சுகாதார அமைச்சினாலும் ஆளுநரின் தலையீட்டிலும் வழங்கப்படும் எனவும் அவர் தெரிவித்தார். மினுவாங்கொடை ஆதார வைத்தியசாலையின் எக்ஸ்ரே பிரிவு மற்றும் சேமிப்பு அறையும் ஆளுநர் மற்றும் சுகாதார அமைச்சரினால் திறந்து வைக்கப்பட்டது.

தற்போதைய சுகாதார அமைச்சரின் எண்ணக்கருவின் அடிப்படையில் சுகாதார அமைச்சினால் மாவட்ட மட்டத்தில் முன்னெடுக்கப்படும் வைத்தியசாலைகளின் அபிவிருத்திக்கான விசேட வேலைத்திட்டத்துடன் இணைந்து இந்த வேலைத்திட்டம் நடைமுறைப்படுத்தப்படுகிறது.

இதன் முக்கிய நோக்கம் மருத்துவமனைகளில் உள்ள மனித மற்றும் பௌதீக வளங்களின் குறைபாடுகளுக்கு குறுகிய கால, மத்திய கால மற்றும் நீண்ட கால தீர்வுகளை வழங்குவதும், கிராமப்புற மருத்துவமனை அமைப்பைப் பேணுவதன் மூலம் கிராமப்புற மக்களுக்கு உயர் வசதிகளுடன் கூடிய நோயாளி பராமரிப்பு சேவைகளை வழங்குவதும் ஆகும்.   இந்நிகழ்வில் போக்குவரத்து இராஜாங்க அமைச்சர் லசந்த அழகியவன்ன, கம்பஹா மாவட்ட பாராளுமன்ற உறுப்பினர் சஹன் பிரதீப் விதான, பாராளுன்ற உறுப்பினர் கோகிலா குணவர்தன, சுகாதார சேவைகள் பணிப்பாளர் நாயகம் டொக்டர் அசேல குணவர்தன உள்ளிட்டோர் கலந்து கொண்டனர்.