வாட்ஸ்அப் வழியாக வரும் Pink theme virus.

கிளிக் செய்யவோ, இன்ஸ்டால் செய்யவோ வேண்டாம்

இந்தியாவில் உள்ள சில whatsapp பயனர்கள் தங்களது வாட்ஸ்அப்பில் ஒரு "மர்மமான" Link-ஐ பெற்றுள்ளனர். இது வாட்ஸ்அப்பின் Theme-ஐ பச்சை நிறத்தில் இருந்து இளஞ்சிவப்பு (Pink) நிறமாக மாற்றுவதாக கூறப்படுகிறது. பொதுவாக இது க்ரூப் வழியாக ஷேர் செய்யப்படுகிறது.

ஆன்லைன் வழியாக வாட்ஸ்அப் பயனர்கள் வெளியிட்டுள்ள தகவல்களின்படி, இந்த Link வாட்ஸ்அப் பயனர்களுக்கு Theme -ஐ Pink வண்ணத்தில் மாற்ற அனுமதிக்கும் புதிய அம்சமாக அணுக கிடைக்கிறது.

இது PINK நிறம் அல்ல Danger-இன் நிறம்!

ஆனால் உண்மை என்னவென்றால்,வாட்ஸ்அப் பயனர்கள் பெறும் இந்த Link, பேஸ்புக்கிற்குச் சொந்தமான இன்ஸ்டன்ட் மெசேஜிங் தளமான வாட்ஸ்அப்பிடம் இருந்து அதிகாரப்பூர்வ வரும் ஒரு அப்டேட் போல "மாறுவேடமிட்டுள்ளது".

அலெர்ட் செய்த பாதுகாப்பு ஆராய்ச்சியாளர்!

இதுபற்றி இணைய பாதுகாப்பு ஆராய்ச்சியாளரான ராஜ்ஷேகர் ராஜஹாரியாவும் ட்விட்டரில் பயனர்களை எச்சரித்துள்ளார்.

அவர் வெளியிட்டுள்ள ட்வீட், வாட்ஸ்அப் தீமை பிங்க் ஆக மாற்றும் குறிப்பிட்ட மால்வேர் லிங்க் ஆனது ஹேக்கர்களுக்கு பயனரின் ஸ்மார்ட்போனுக்கான முழுமையான அணுகலைப் பெற உதவும். அதன் வழியாக பயனர்கள் தங்களுக்கான வாட்ஸ்அப் அணுகலை இழக்க நேரிடும் என்று குறிப்பிட்டுள்ளார்.

கிளிக், ஷேர் செய்ய வேண்டாம்!

“பிங்க் வாட்ஸ்அப்” இணைப்பு என்பது ஒரு APK இணைப்பு ஆகும், இது ஸ்மார்ட்போன்களில் external APK file-ஐ நிறுவும் என்று மக்களை நம்ப வைக்கிறது. ஆனால் உண்மையில் இது டேட்டா திருட்டு வேலைகளுக்காக பயன்படுத்தப்படுகிறது. எனவே பயனர்கள் யாரும் இதை நம்பி ஏமாற வேண்டாம், குறிப்பிட்ட Link-ஐ கிளிக் செய்யவோ, மற்றவர்களுடன் பகிரவோ வேண்டாம்

சைபர் க்ரைம் விக்டிம் ஆக மாறாதீங்கள்!

பயனர்கள் எப்போதும் போல மிகவும் அடிப்படை விடயங்களுடன் ஒட்டிக்கொள்ளும்படி அறிவுறுத்தப்படுகிறார்கள். அதாவது கூகுள் பிளே ஸ்டோர் அல்லது ஆப்பிள் ஆப் ஸ்டோரில் கிடைப்பதைத் தவிர வேறு எந்த APK அல்லது மொபைல் பயன்பாட்டையும் ஸ்மார்ட்போன்களில் நிறுவ வேண்டாம்.

பிங்க் வாட்ஸ்அப்பின் பின்னணியில் உள்ள ஆபத்துகள்!

பயனரின் ஸ்மார்ட்போனை 'காம்ப்ரமைஸ்' செய்வதற்கும், அதன் வழியாக முக்கியமான தகவல்களைத் திருடுவதற்கும் இத்தகைய மால்வேர் (தீங்கிழைக்கும்) ஆப்கள் பயன்படுத்தப்படலாம். ஹேக்கர்கள் பயனர்களின் பேங்க் பாஸ்வேர்ட்களை திருடவும் இதைப் பயன்படுத்தலாம்.

மக்கள் மறந்துபோன ஒரு விடயம் என்னவென்றால், கடந்த காலத்திலும் வாட்ஸ்அப் கோல்ட் தீம் என்கிற போலி வாட்ஸ்அப் அம்சம் உண்மையானது போல ஆள்மாறாட்டம் செய்த வழக்குகள் உள்ளன.

இருப்பினும் பிங்க் வாட்ஸ்அப் பற்றி வாட்ஸ்அப் நிறுவனம் இன்னும் எதுவும் கூறவில்லை.