Tamils4

யாழ். வடமராட்சி, நெல்லியடி பொலிஸ் நிலையப் பொறுப்பதிகாரிக்குக் கோவிட் வைரஸ் தொற்று உறுதிப்படுத்தப்பட்டுள்ளதாக எமது செய்தியாளர் தெரிவித்தார்.

நெல்லியடி பொலிஸ் நிலையப் பொறுப்பதிகாரி நேற்று பருத்தித்துறை ஆதார வைத்தியசாலைக்குச் சென்று மாதிரிகளை வழங்கியுள்ளார்.

அவற்றில் முன்னெடுக்கப்பட்ட பி.சி.ஆர். பரிசோதனையில் அவருக்கு தொற்றுள்ளமை உறுதிப்படுத்தப்பட்டுள்ளதாக தெரியவருகிறது.

இதேவேளை நாட்டில் பரவி வரும் கோவிட் வைரஸ் திரிபுகளின் மரபனு பகுப்பாய்வு நடவடிக்கை இன்று ஆரம்பமாக உள்ளது.

ஸ்ரீ ஜெயவர்த்தனபுர பல்கலைக்கழகத்தின் மருத்துவ பீடத்தின் ஒவ்வாமை நோயெதிர்ப்பு மற்றும் செல் உயிரியல் பிரிவு இந்த சோதனை நடவடிக்கைகளை முன்னெடுக்கவுள்ளமை குறிப்பிடத்தக்கது.