உலகில் அதிகமான இரட்டையர்களை ஒன்றிணைத்து கிண்ணஸ் உலக சாதனையை ஒன்றை படைக்க இலங்கை இரட்டையர்கள் சங்கம் நடவடிக்கை எடுத்துள்ளது.
இந்த நிகழ்வு இன்று (20) கொழும்பு சுகததாச உள்ளக அரங்கில் நடைபெறவுள்ளது.
இதில் வயது வித்தியாசமின்றி இரட்டையர்கள் பங்குபற்ற முடியும்.
இவர்களை பிரதேச செயலாளரினால் உறுதிப்படுத்தப்பட்ட பிறப்பு சான்றிதழுடனும், தேசிய அடையாள அட்டையின் பிரதி ஒன்றுடன் இன்று காலை 10 மணிக்கு முன்னர் வருகை தருமாறும் அந்த சங்கம் கேட்டுள்ளது.
அதேபோல் 18 வயதுக்கும் குறைந்த இரட்டையர்கள் தமது தாயின் அல்லது தந்தையின் தேசிய அடையாள அட்டையின் பிரதி ஒன்றை கொண்டுவர வேண்டும் எனவும் அந்த சங்கம் அறிவித்துள்ளது.
இந்த நிகழ்வு தொடர்பில் கருத்து தெரிவித்த இலங்கை இரட்டையர்கள் சங்கத்தின் செயலாளர் இந்திக தந்தெனிய, இலங்கையின் புகழை உலகுக்கு கொண்டுச் செல்ல நாடு முழுவதும் உள்ள இரட்டையர்கள் முன்வரவேண்டும் என்றார்
0 Comments
No Comments Here ..