லங்கா பிரிமியர் லீக் கிரிக்கெட் போட்டியில் நேற்று (05) இடம்பெற்ற 'பி லவ் கண்டி' அணிக்கும் 'ஜப்னா கிங்ஸ்' அணிக்கும் இடையிலான போட்டியில் பி லவ் கண்டி அணி 8 விக்கெட்டுக்களால் வெற்றி பெற்றது.
பி லவ் கண்டி அணி நாணய சுழற்சியில் வெற்றிப்பெற்ற நிலையில், ஜப்னா கிங்ஸ் அணியை முதலில் துடுப்பெடுத்தாட அழைத்தது.
அதன்படி முதலில் துடுப்பெடுத்தாடிய ஜப்னா கிங்ஸ் அணி நிர்ணயிக்கப்பட்ட 20 ஓவர்கள் முடிவில் 9 விக்கெட்க்களை இழந்து 117 ஓட்டங்களைப் பெற்றது.
ஜப்னா கிங்ஸ் அணி சார்பாக துனித் வெல்லாலகே ஆட்டமிழக்காமல் 38 ஓட்டங்களைப் பெற்றார்.
பந்துவீச்சில் பி லவ் கண்டி அணி சார்பில் வனிந்து ஹசரங்க 3 விக்கெட்டுகளைக் கைப்பற்றினார்.
118 ஓட்டங்கள் எடுத்தால் வெற்றி என்ற இலக்குடன் களமிறங்கிய பி லவ் கண்டி அணி 13 ஓவர்கள் முடிவில் 2 விக்கெட்டுக்களை மாத்திரம் இழந்து வெற்றியை பதிவு செய்தது.
பி லவ் கண்டி அணிக்காக தலைவர் வனிந்து ஹசரங்க ஆட்டமிழக்காமல் 52 ஓட்டங்களையும், ஃபகார் ஜமான் 42 ஓட்டங்களையும் பெற்றனர்.
0 Comments
No Comments Here ..