ஆஷஸ் டெஸ்ட் தொடரின் 2-வது டெஸ்ட் போட்டி லண்டன் லார்ட்ஸ் மைதானத்தில் நடைபெறுகிறது. டொஸ் வென்ற இங்கிலாந்து கேப்டன் பென் ஸ்டோக்ஸ் முதலில் பந்துவீசுவதாக அறிவித்தார். ஆஸ்திரேலியா பேட்டிங் செய்தது. அவுஸ்திரேலிய அணியின் துவக்க வீரர் டேவிட் வார்னர் 66 ரன்கள் குவித்து ஆட்டமிழந்தார்.
லபுஷேன் 47 ரன்கள் சேர்த்தார். ஸ்டீவ் ஸ்மித்-டிராவிஸ் ஹெட் ஜோடி அபாரமான ஆடி ஸ்கோரை உயர்த்தியது. சிறப்பான ஆட்டத்தை வெளிப்படுத்திய ஸ்டீவ் ஸ்மித் சதம் அடித்தார். அவர் 110 ரன்களில் வெளியேறினார். அதன்பின், டிராவிஸ் ஹெட் 77 ரன்களில் ஆட்டமிழந்தார்.
இதனால் 2ம் நாளான இன்று அவுஸ்திரேலிய அணி முதல் இன்னிங்சில் 416 ரன்களில் ஆல் அவுட் ஆனது. இங்கிலாந்து தரப்பில் ஒல்லி ராபின்சன், ஜோஷ் டாங் ஆகியோர் தலா 3 விக்கெட் எடுத்தனர். இதையடுத்து இங்கிலாந்து அணி முதல் இன்னிங்சை ஆடி வருகிறது.
0 Comments
No Comments Here ..